PDK-ja, fituese e zgjedhjeve të parakohshme parlamentare

Komisioni Qendror i Zgjedhjeve në Kosovë gjatë natës ka shpallur rezultatet preliminare që bazohen në 94.23 për qind të numrit total të votave të numëruara.

PDK-ja, fituese e zgjedhjeve të parakohshme parlamentare

Ndryshe, partitë opozitare shumë shpejtë do të përballen me kërkesën nga fituesi i këtyre zgjedhjeve të 8 qershorit, PDK-së për të qenë partner qeveritar.

Rezultatet e zgjedhjeve si duket nuk e kanë kënaqur partinë kryesore opozitare LDK-në, e cila as mbrëmë, e as sot gjatë ditës nuk ka dalë me ndonjë konferencë për media, sic ndodhë zakonisht pas përfundimit të zgjedhjeve.

Konferencë kanë mbajtur Lëvizja VV e cila u shpreh e kënaqur me rritjen e përqindjes së votave, kurse arsyen pse ka fituar sërish PDK-ja sipas VV-së është dalja e ultë në zgjedhje dhe dobësia e LDK-së si opozitë.

Nga ana tjetër Partia e re, Nisma për Kosovën e cila mezi po e kalon pragun zgjedhor prej 5% ka lënë të hapur mundësinë për koalicion me PDK-në, pa marrë parasysh se drejtuesit e kësaj partie nga pakënaqësia janë ndarë nga PDK-ja për të krijuar subjektin e ri politik.

Prej matematikës së koalicioneve, sigurisht se do të vetëpërjashtohet Lëvizja Vetëvendosja, e cila është e prerë se nuk do të bëjë koalicion me PDK-në. Sipas analistëve kalkulimet flasin për një koalcion mes PDK-së, Nismës dhe AAK-së, ose PDK-së dhe LDK-së.


Fjalët Kyçe:

Lajme të ngjashme