Xhamia Selimije në Edrene të Turqisë vizitohet nga 1,5 milionë turistë

Xhamia është ndërtuar me urdhrin e Sulltan Selimit II, në periudhën 1568-1575 dhe është e njohur si për arkitekturën e saj, po ashtu edhe për mënyrën se si është e zbukuruar.

655006
Xhamia Selimije në Edrene të Turqisë vizitohet nga 1,5 milionë turistë

Vitin e kaluar xhamia Selimije, një nga veprat më madhore të Arkitekt Sinanit (Mimar Sinan), e cila gjendet në qytetin turk Edrene, është vizituar nga 1.5 milion njerëz.

Drejtori i Departamentit për Kulturë dhe Turizëm në Edrene, Ahmet Haxhiollu (Hacioğlu) tha se kjo xhami gjithmonë ka diçka që tërheq njerëzit. Sipas tij, në rritjen e numrit të turistëve në vitet e fundit kanë ndikuar disa faktorë.

"Kryesisht bëhet fjalë për promovimin e xhamisë Selimije dhe Edrenesë, kurse pasi që është përfshirë në listën e UNESCO-s, xhaminë e kanë vizituar njerëz nga të gjitha anët e botës", ka thënë Haxhiollu.

Ai konsideron se njerëzit duhet të shohin se si është ndërtuar njëra nga veprat me të cilat është bërë i njohur Arkitekt Sinani dhe se si guri në duart e gjeniut është shndërruar në një vepër madhështore.

"Përveç vizitorëve nga Turqia, të cilët vizitojnë xhaminë Selimije si pjesë e turizmit fetar, për të vizituar këtë vepër madhështore vijnë njerëz edhe nga India, Japonia dhe Kina. Vitin e kaluar Selimijen e kanë vizituar 1.5 milionë njerëz", shtoi Haxhiollu.

Ai theksoi se këtë vit do të fillojë restaurimi i xhamisë, por ajo edhe në këtë fazë do të jetë e hapur për lutje dhe vizita.

Xhamia është ndërtuar me urdhrin e Sulltan Selimit II, në periudhën 1568-1575 dhe është e njohur si për arkitekturën e saj, po ashtu edhe për mënyrën se si është e zbukuruar.

Detajet, të cilat në atë kohë janë konsideruar se është e pamundur të realizohen, në saje të teknikave të shumta arkitekturore, sot janë simbole të njërës nga ndërtimet më të mëdha të periudhës osmane.



Lajme të ngjashme