Sanliurfa një perlë e turizmit fetar të Turqisë

Qyteti Shanliurfa në Turqi, i cili njihet edhe ndryshe si "qyteti i Pejgamberëve" (qyteti i të dërguarve), përfshihet nga një tjetër atmosferë gjatë tre muajve të bekuar.

Sanliurfa një perlë e turizmit fetar të Turqisë
Haran.jpg

Qyteti Shanliurfa në Turqi, i cili njihet edhe ndryshe si "qyteti i Pejgamberëve" (qyteti i të dërguarve), përfshihet nga një tjetër atmosferë gjatë tre muajve të bekuar, pjesë e të cilëve është edhe muaji i Ramazanit.

Qyteti Shanliurfa është i katërti në botë si qytet i besimeve pas Mekës, Medinës dhe Jerusalemit. Ai ka gjurmë të shumë profetëve duke filluar nga Hz. Ibrahimi, Ejjubi, Musa dhe Shuajbi (a.s.).

Ky qytet krahas turizmit të besimit ofron edhe turizëm kulturorë. Ndërkohë vendi më kulminant i qytetit është ai ku besohet se Hz. Ibrahimi, profeti që njihet si babai i tre feve hyjnore, u hodh në zjarr dhe që njihet ndryshe si liqeni i peshqve.

Qyteti i cili vizitohet nga një numër i madh turistësh vendas dhe të huaj mbipopullohet nga besimtarët myslimanë gjatë tre muajve Rexhep, Shaban dhe Ramazan.

Turistët e shumtë që vijnë në këtë qytet kanë mundësi ta shohin atë duke vajtur në kalanë e Urfa-s. Pas shëtitjes dhe pamjes mahnitëse të qytetit vizitorët kanë mundësi të provojnë në kafenetë pranë kalasë kafenë e hidhur e cila njihet ndryshe si mërra ose kafenë karakteristike të këtij vendi atë të menengiç-it. Vizitorët të cilët çlodhen me një kafe në dalje të kalasë mund të udhëtojnë në histori duke bërë një shëtitje në çarshinë e vjetër të këtij qyteti.

Vendi i cili pranohet si vendi ku ka qëndruar Hz. Ejjubi dhe i cili quhet si vendi i durimit (Sabır makamı) është një tjetër pikë që vizitorët nuk e anashkalojnë. Krahas këtij qyteti kulturorë dhe historik vizitorët që vijnë në këtë rajon njihen edhe me Universitetin e parë të Islamit, Universiteti i Harran-it.

Qyteti i Shanliurfa -s krahas turizmit dhe kulturës njihet edhe me natyrën e bukur dhe të gjelbër.

Në një deklaratë, kryetari i Bashkisë së këtij qyteti, Nihat Çiftçi thotë se me investimet vitet e fundit për qytetin, turizmi ka marr një shtysë të madhe. Duke vënë në dukje se ky qytet është një doracak i të kaluarës me historinë e tij 12 mijë vjeçare, Çiftçi më tej shprehet se tre muajt e shenjtë i japin një tjetër pamje dhe emocion këtij qyteti.

"Shanliurfa është qyteti i profetëve. Këtu mund të gjeni gjurmët e tyre. Këtu mund të gjeni kulturën dhe etikën që kanë lënë këta profetët këtij qyteti si trashëgimi të pazëvendësueshme. Edhe ne si bashki bëjmë përpjekjet tona në mënyrë që populli i këtij qyteti ta shijojë sa më shumë këtë periudhë. Veçanërisht në muajin e Ramazanit ne ngremë çadra për ti afruar njerëzit me njëri-tjetrin duke qenë në të njëjtën tavolinë në iftaret e këtij muaji të bekuar''.

Ndërsa kryetari i një tjetër bashkie e cila është një tjetër destinacioni i turistëve gjatë këtyre muajve, Ejjubije, Mehmet Ekinci thotë se "Veçanërisht këta tre muaj presim shumë vizitorë. Ne punojmë që të prezantojmë këtë vend në mënyrën më të mirë. Më parë besimtarët kur iknin në për në Haxh kalonin nga qyteti jonë. Ne përgatitemi edhe gjatë ditëve të sotme me të njëjtin përkushtim". ​



Lajme të ngjashme