Një 85-vjeçare kandidate për Çmimi Nobel të Paqes

Një grua 85-vjeçare dhe një peshkatar 40-vjeçar janë paraqitur zyrtarisht si kandidatë për Çmimin Nobel të Paqes, pasi kanë hapur krahët ndaj azilkërkuesve të gjendur në situatë të vështirë në Ishullin Lesbos të Greqisë.

426859
Një 85-vjeçare kandidate për Çmimi Nobel të Paqes

“Nobel” u ka hapur derën atyre që me veprimet e tyre shembullore treguan dhembshuri për emigrantët.

Një grua 85-vjeçare dhe një peshkatar 40-vjeçar, të cilët kanë hapur krahët për emigrantët e larguar nga konfliktet në atdheun e tyre, u propozuan për çmimin “Nobel”. Akademia e Athinës në kërkesën drejtuar Fondacionit Nobel me seli në Norvergji nënvizon sensibilitetin e treguar nga banorët e ishullit pavarësisht krizës ekonomike që po kalojnë.

85-vjeçarja Emilia Kamvisi, gjatë gushtit të kaluar ishte filmuar duke ushqyer me biberon një foshnje siriane të shpëtuar nga deti. Kamvisi, e cila është edhe vetë fëmija e një familjeje emigrantësh, në vitin 1992 kishte emigruar nga Ishulli i Xhundas për në Lesbos.

Kurse 40-vjeçari Stratis Valiamos është një peshkatar, i cili ka shpëtuar qindra emigrantë që janë përballur me vdekjen në Detin Egje.

Mes kandidatëve për Çmimin “Nobel” është edhe një emër i njohur që ka vizituar Ishullin e Lesbos.

Është ylli i kinematografisë amerikane, Suzan Saradon, e cila vitin e kaluar vizitoi ishullin për të tërhequr vëmendjen e opinionit botëror mbi gjendjen e emigrantëve, dhe ishte interesuar së afërmi për ata.



Lajme të ngjashme