Arvizu: Trashëgimia kulturore, vlerë historie për brezat

Ambasadori i Shteteve të Bashkuara të Amerikës në Tiranë, Aleksandër Arvizu , mori pjesë sot në inagurimin e Qëndrës së Studimeve Albanologjike, restauruar së fundi me mbështetjen e një grandi të akorduar nga Fondi i Ambasadorit për Ruajtjen e Trashëgimisë Kulturore (AFCP).

Arvizu: Trashëgimia kulturore, vlerë historie për brezat

“Shtetet e Bashkuara të Amerikës”, u shpreh ambasadori Arvizu, “besojnë fort se ruajtja e trashëgimisë kulturore është një pikë e fortë për të gjithë brezat, pasi ajo është vlerë nga e cila mund të mësojnë të gjithë”.

“Projekti që inagurojmë sot do të mbrohet dhe ruhet nga brezat si një investim jetik me fragmente të historisë së Shqipërisë që bart vlera të mëdha për të gjithë popullin”, deklaroi ambasadori Arvizu.

Fondi i Ambasadorit për Ruajtjen e Trashëgimisë Kulturore (AFCP) mbështet mbrojtjen e qendrave kulturore, objekteve kulturore dhe formave të shprehjes së kulturës tradicionale në më shumë se 100 vende në zhvillim në të gjithë botën.

Me mbeshtetjen e ketij Fondi u akordua një grant me vlerë 103.000 dollarë për Qendrën e Studimeve Albanologjike në Shqipëri, për të rehabilituar dhe modernizuar ambjentet e ruajtjes së objekteve të kësaj qendre.

Fondi i Ambasadorit për Ruajtjen e Trashëgimisë Kulturore tregon respektin e Shteteve të Bashkuara për kulturat e tjera. Që kur programi nisi në vitin 2000, ka pasur 9 projekte të Fondit të Ambasadorit për Ruajtjen e Trashëgimisë Kulturore në Shqipëri.


Fjalët Kyçe:

Lajme të ngjashme