Ekonomia e SHBA-ve do të tkurret në tremujorin e dytë

Ekonomia amerikane, e cila pësoi rënie për 4.8 për qind në tremujorin e parë, pritet të tkurret në mënyrë dramatike me 37.7 për qind ndër vite në tremujorin e dytë.

1420587
Ekonomia e SHBA-ve do të tkurret në tremujorin e dytë

Ekonomia amerikane, e cila pësoi rënie për 4.8 për qind në tremujorin e parë, pritet të tkurret në mënyrë dramatike me 37.7 për qind ndër vite në tremujorin e dytë, në mes të pandemisë së koronavirusit të ri (COVID-19), tha Zyra e Buxhetit e Kongresit.

Masat, si distancimi social, për të penguar përhapjen e COVID-19 ndikuan si në kërkesën dhe furnizimin e përgjithshëm të mallrave, ashtu edhe të shërbimeve në vend dhe shkaktuan një rënie, theksoi zyra.

Sipas parashikimeve të zyrës, ekonomia amerikane do të rritet me 21.5 për qind në tremujorin e tretë dhe 10.4 për qind në tremujorin e katërt.

Zyra gjithashtu pret një rënie prej 5.6 për qind për vitin 2020 dhe një rritje pozitive prej 4.2 për qind për vitin e ardhshëm.

"Në prill, shkalla e papunësisë u rrit në 14.7 për qind, shkalla më e lartë në historinë e të dhënave mujore. Në parashikimet e CBO, mesatarisht niveli i papunësisë do të jetë 15 për qind në tremujorin e dytë të këtij viti dhe do të rritet në 16 për qind në tremujorin e tretë", shtohet më tej.

Norma ishte parashikuar të bije gradualisht në 8.6 për qind deri në tremujorin e fundit të vitit 2021, theksoi zyra.

Pas shfaqjes në Wuhan të Kinës dhjetorin e kaluar, COVID-19 është përhapur në të gjithë botën, ku aktualisht rajonet më të goditura janë Evropa dhe SHBA.

Pandemia ka marrë mbi 323.300 jetë njerëzish në të gjithë botën, me më shumë se 4.9 milionë raste të konfirmuara, ndërsa numri i të shëruarve ka arritur në pothuajse 1.7 milion, sipas shifrave të përpiluara nga Universiteti Johns Hopkins me qendër në SHBA.

Në SHBA, virusi deri më tani ka infektuar afro 1.53 milion njerëz dhe ka shkaktuar 91.921 vdekje. (AA)



Lajme të ngjashme