Putin dhe Scholz diskutuan sërish situatën në Ukrainë

Presidenti i Federatës Ruse dhe kancelari i Gjermanisë ranë dakord të vazhdojnë diskutimin gjatë kontakteve përmes kanaleve të ndryshme.

1826771
Putin dhe Scholz diskutuan sërish situatën në Ukrainë

Presidenti rus Vladimir Putin dhe kancelari gjerman Olaf Scholz diskutuan sërish situatën në Ukrainë dhe rrjedhën e negociatave mes Moskës dhe Kievit.

Biseda telefonike u zhvillua me kërkesën e palës gjermane, njofton zyra e shtypit e Kremlinit.

Sipas deklaratës se Kremlinit, Vladimir Putin përmblodhi logjikën dhe detyrat kryesore të "operacionit special ushtarak" që rusët kanë filluar më 24 shkurt në Ukrainë si dhe foli për masat e marra për të garantuar sigurinë e civilëve.

Gjithashtu u përmend se civilët, të cilët mbaheshin nga forcat e sigurisë ukrainase në kombinatin metalurgjik të Azovstalit në Mariupol, u evakuuan me pjesëmarrjen e përfaqësuesve të OKB-së dhe Komitetit Ndërkombëtar të Kryqit të Kuq.

Gjatë bisedës telefonike u vu në dukje se luftëtarët që mbrojnë ideologjinë naziste shkelin normat e së drejtës ndërkombëtare humanitare dhe përdorin metoda çnjerëzore të terrorizmit.

Gjatë takimit, në të cilin u diskutua edhe çështja e negociatave ndërmjet Rusisë dhe Ukrainës, u arrit marrëveshje për vazhdimin e kontakteve përmes kanaleve të ndryshme.

Presidenti i Rusisë dhe Kancelari i Gjermanisë ranë dakord që diskutimi për çështjet e lartpërmendura të vazhdojë gjatë kontakteve në kanale të ndryshme.

Lidhur me bisedën telefonike 75-minutëshe që kancelari Scholz pati me presidentin rus Vladimir Putin, Zëdhënësi i Qeverisë gjermane, Steffen Hebestreit tha kancelari Scholz kishte diskutoi luftën e vazhdueshme në Ukrainë dhe përpjekjet e tij për t'i dhënë fund kësaj lufte.

“Duke pasur parasysh seriozitetin e situatës ushtarake dhe pasojat e luftës në Ukrainë, veçanërisht në Mariupol, kancelari këmbënguli në sigurimin e një armëpushimi sa më shpejt të jetë e mundur, përmirësimin e situatës humanitare dhe gjetjen e një zgjidhje diplomatike për konfliktin”.

Zëdhënësi i Qeverisë gjermane deklaroi se Scholz mohoi gjithashtu akuzat se nazizmi ishte i përhapur në Ukrainë.

Të dy liderët diskutuan edhe situatën globale të ushqimit, e cila është në gjendje kritike për shkak të luftës që ka hapur Rusia,- shtoi zëdhënësi Hebestreit dhe vuri në dukje se Scholz solli në kujtesë se Rusia ka një përgjegjësi të veçantë në këtë drejtim.

 


Lajme të ngjashme