Zelenskiy: Kini kujdes kur flisni për mundësinë e luftës midis Rusisë dhe Ukrainës

Presidenti ukrainas, Vladimir Zelenskiy tha: "Kini kujdes kur flisni për mundësinë e luftës midis Rusisë dhe Ukrainës. Ne nuk kemi nevojë për këtë panik."

1770084
Zelenskiy: Kini kujdes kur flisni për mundësinë e luftës midis Rusisë dhe Ukrainës

Presidenti ukrainas, Vladimir Zelenskiy tha: "Kini kujdes kur flisni për mundësinë e luftës midis Rusisë dhe Ukrainës. Ne nuk kemi nevojë për këtë panik."

Vladimir Zelenskiy iu përgjigj pyetjeve të gazetarëve në kryeqytetin, Kiev.

Zelenskiy tha se në rast të një lufte me Rusinë, asnjë vend nuk do të dërgonte ushtrinë e tij për të mbrojtur Ukrainën: "Nëse ka një luftë, ushtria e cilit vend është gati të na mbrojë? Kjo nuk do të ndodhë. Kjo është shumë e frikshme për NATO-n. NATO do të duhet të mbrojë Ukrainën nëse Ukraina bashkohet me aleancën. Këto janë sfida shumë serioze për NATO-n. Disa vende evropiane, duke mos rrezikuar, kanë besim se janë të sigurta duke mos përfshirë Ukrainën në NATO. Por nëse tani fillon lufta gjithëpërfshirëse, ajo do të jetë në kufijtë e disa vendeve të NATO-s.”

Duke vënë në dukje se është krijuar një atmosferë paniku për mundësinë e luftës midis Ukrainës dhe Rusisë në vendet perëndimore, Zelenskiy tha: “Kur flitet për një luftë midis Ukrainës dhe Rusisë, duhet treguar kujdes ekstrem. Në Angli, Gjermani, Francë dhe Lituani, shtypi të jep përshtypjen se ka një luftë. Por nuk është kështu. Ne nuk kemi nevojë për këtë panik”.

“Mund të ketë luftë. Nëse do të ketë një luftë në shkallë të gjerë, atëherë nuk do të jetë një luftë vetëm me Ukrainën ose vetëm në territorin e shtetit tonë. Do të jetë një luftë hibride që përfshin edhe informacione dhe sulme kibernetike.”   

Duke theksuar se Ukraina është e përgatitur për të gjitha llojet e skenarëve, Zelenskiy tha: “Ne po përgatitemi në çdo mënyrë të mundshme. Besoj se duhet zbatuar një përgatitje e qetë ushtarake dhe diplomaci. Ne po përgatitemi për kërcënime me probabilitet më të larta, por e kuptojmë edhe realitetin në të cilin gjendemi.”

Duke shprehur gatishmërinë e tij për të takuar presidentin rus, Vladimir Putin në çdo format, lideri ukrainas, tha: “Pse po më fton Putini në Soçi? A do të bëj ski? Atëherë le të takohemi në Odessa, shkojmë në det. Nuk kam frikë të takohem me Putinin, mund të jetë kokë më kokë ose çdo format, unë jam gati”.  

 


Lajme të ngjashme