ShBA do të dislokojë trupa të përhershme në disa ishuj të Paqësorit

Pentagoni ka përfunduar inspektimet në lidhje dislokimin e trupave amerikane në botë dhe ka përgatitur një raport me rekomandime për Presidentin Biden.

1740602
ShBA do të dislokojë trupa të përhershme në disa ishuj të Paqësorit

Menjëherë pas marrjes së detyrës Presidenti Joe Biden kishte kërkuar nga Departamenti amerikan i Mbrojtjes (Pentagon) të rishikonte dislokimin e trupave amerikane në perspektivë globale. Dhe Pentagoni i ka përfunduar inspektimet në lidhje me këtë çështje dhe ka përgatitur edhe një raport për presidentin.

Një zyrtar i lartë Pentagonit në një prononcim për gazetarët tha se Rishikimi i Dislokimit Global kishte në fokus praninë ushtarake të ShBA së në rajonin e Indo-Paqësorit dhe konkurrencën me Kinën, ndërsa shtoi se ShBA-ja krahas Australisë do të vendosë forca të përhershme në disa ishuj në Paqësor.  

Zyrtari sqaroi se vazhdon puna për dislokimet e reja në rajonin e Paqësorit në dritën e raportit mbi “Rishikimin e Dislokimit Global” dhe në të ardhmen do të ketë dërgesa të reja shtesë për në Evropë.

Pasi rikujtoi se presidenti Joe Biden e ka anuluar vendimin e pararendësit të tij Donald Trump për reduktimin e numrit të ushtarëve amerikanë në Gjermani në 25 mijë, zyrtari i Pentagonit tha se Sekretari i Mbrojtjes, Lloyd Austin mbështetur në gjetjet e para të inspektimit ka urdhëruar vendosjen në këtë vend të një njësie me 500 ushtarë, një forcë që do të ketë në përbërjen e vet një numër të caktuar helikopterësh dhe do të jetë e pajisur me aftësi mbrojtëse.

Nisur nga rekomandimet e raportit, disa prej sistemeve të mbrojtjes kundëraketore dhe forca detare amerikane të vendosura në Lindjen e Mesme janë zhvendosur në Evropë dhe Paqësor,- u shpreh zyrtari i Pentagonit dhe shtoi se raporti rekomandon gjithashtu që të sigurohet forca e nevojshme shkëshilluese (parandaluese) kundër Iranit dhe që të mbështetet lufta kundër DAESH-it.

Zyrtari i Pentagonit tha se ata janë ende duke vlerësuar praninë e ShBA-së në Lindjen e Mesme dhe Afrikë dhe mund të vazhdojë zhvendosja e trupave nga këto zona drejt rajoneve të tjera.



Lajme të ngjashme