Hebrenjtë fanatikë hapin flamurin izraelit në oborrin e Xhamisë Al-Aksa

Hebrenjtë fanatikë të shoqëruar nga policia izraelite hynë në oborrin e Xhamisë Al-Aksa në qytetin e vjetër të Jerusalemit Lindor të pushtuar për të shënuar Ditën e Sukotit dhe hapën flamurin izraelit në Kompleks.

1710989
Hebrenjtë fanatikë hapin flamurin izraelit në oborrin e Xhamisë Al-Aksa

Hebrenjtë fanatikë të shoqëruar nga policia izraelite hynë në oborrin e Xhamisë Al-Aksa në qytetin e vjetër të Jerusalemit Lindor të pushtuar për të shënuar Ditën e Sukotit dhe hapën flamurin izraelit në Kompleks.

Administrata e Fondacioneve Islamike të Jerusalemit tha në një deklaratë me shkrim se 626 hebrenj fanatikë nën mbrojtjen e policisë izraelite hynë përmes Portës Al-Megaribe (Marok), në jugperëndim të Al-Aksa dhe bastisën Kompleksin.

“Grupi hebre, i cili hapi flamurin izraelit, u largua nga Kompleksi pasi bredhi në oborret e Kompleksit”, thuhet në deklaratë.

Në një deklaratë me shkrim, Ministria e Çështjeve të Jerusalemit të Autoritetit Palestinez paralajmëroi duke thënë se: "Bastisjet e Izraelit në Kompleksin Al-Aksa janë bërë të rrezikshme me përpjekjet e tërbuara të shumë hebrenjve fanatikë për të kryer rite fetare, veçanërisht gjatë festave hebraike."

Deklarata gjithashtu i bëri thirrje bashkësisë ndërkombëtare, veçanërisht botës arabe dhe islame, që të ndërhyjnë për të ndaluar "përpjekjet e Izraelit për të ndryshuar status quo-në historike të Kompleksit Al-Aksa".

 


Lajme të ngjashme