Izrael - Protestat për dorëheqjen e Netanyahut vazhdojnë pa u ndalur

Në qytete të ndryshme të Izraelit kanë vazhduar protestat javore të organizuara kundër kryeministrit Benjamin Netanyahu.

1569950
Izrael - Protestat për dorëheqjen e Netanyahut vazhdojnë pa u ndalur

Sipas transmetuesit publik KAN, rreth një mijë demonstrues u mblodhën përpara rezidencës së Kryeministrit në Jerusalemin Perëndimor për të protestuar kundër Netanyahut.

Gazeta "Yediot Ahronot" raportoi se protestuesit janë shprehur se politika e qeverisë në luftën e saj kundër COVID-19 ka qenë e gabuar dhe kanë bërë thirrje që Netanyahu të gjykohet sa më shpejt që të jetë e mundur.

Protesta të ngjashme u mbajtën në Tel-Aviv dhe qytetin veriore Caesarea.

Në protestat që organizohen çdo javë dhe ndonjëherë edhe dy herë brenda javës, që kanë vazhduar për rreth shtatë muaj, demonstruesit pohojnë se qeveria ka dështuar në luftën kundër COVID-19, ndërsa kërkojnë që Kryeministri Netanyahu, i akuzuar për korrupsion, të gjykohet menjëherë. (AA)

 


Lajme të ngjashme