Politikanët izraelitë zotohen për aneksimin e Luginës së Jordanit dhe Detit të Vdekur

Kryeministri izraelit Benyamin Netanyahu u zotua të "nënshkruajë marrëveshje historike për paqen" me më shumë vende arabe.

Sipas lajmeve të gazetës izraelite “Yedioth Ahronoth”, Netanyahu filloi me fushatën zgjedhore të Partisë “Likud”, të cilën ai e drejton.

Në fjalën e tij të mbajtur si pjesë e fushatës, Netanyahu u zotua të "nënshkruajë marrëveshje historike për paqe" me më shumë vende arabe, "të krijojë një aleancë mbrojtëse me Amerikën" dhe "të frenojë Iranin përfundimisht".

Ndërkaq në lidhje me Luginën e Jordanit Netanyahu tha: “Ne do ta shpallim sovranitetin tonë në Luginën e Jordanit dhe Detin e Vdekur pa humbur kohë dhe do ta bëjmë këtë pa një shtyrje ose pa veton e Ahmed et-Tiybi (deputetit të Bllokut të Listave të Përbashkëta Arabe)”.

Izraeli nuk ka marrëdhënie diplomatike me asnjë vend arab, përveç Egjiptit dhe Jordanisë.

Kryeministri izraelit Benyamin Netanyahu u zotua për aneksimin e vendbanimeve të paligjshme hebraike në Luginën e Jordanit dhe në Bregun Perëndimor para zgjedhjeve të 17 shtatorit 2019.

Benny Gantz, udhëheqësi i Aleancës Kaltër-Bardhë që shkoi dje në Luginën e Jordanit në Bregun Perëndimor me stafin e partisë së tij, tha që ai do të aneksojë luginën në qoftë se fiton në zgjedhjet e 2 marsit.

Forcat izraelite plagosin 3 palestinezë gjatë protestave në Bregun Perëndimor | TRT Shqip

Tre palestinezë u plagosën në ndërhyrjen e forcave izraelite në protestë kundër vendbanimeve ilegale hebreje dhe Murit të Diskriminimit në Bregun Perëndimor të okupuar.