Ministri i Mbrojtjes së Katarit: Dialog nëse pranohen kushtet tona

Ministri i Mbrojtjes së Katarit, Halid bin Muhammed el-Atiyye tha se në krizën e Gjirit vendi i tij është “kurban i një komploti” dhe nuk duhet pritur asgjë tjetër veç se të jetë i hapur ndaj dialogut.

781777
Ministri i Mbrojtjes së Katarit: Dialog nëse pranohen kushtet tona

Ministri i Mbrojtjes së Katarit, Halid bin Muhammed el-Atiyye tha se në krizën e Gjirit vendi i tij është “kurban i një komploti” dhe nuk duhet pritur asgjë tjetër veç se të jetë i hapur ndaj dialogut.

Atiyye, në programin e transmetuar në kanalin Al Jazeera me qendër në Katar, bëri deklarata në lidhje me krizën aktuale me vendet e Gjirit dhe qëndrimin e Këshillit të Bashkëpunimit të Gjirit.

Për ndërhyrjen e vendeve të Gjirit në marrëdhëniet e Katarit me disa vende të tjera, Attiye tha: “Asnjë vend nuk ka të drejtë të vendosë se me cilin do të krijojë marrëdhënie Katari. Kjo është një çështje në lidhje me sovranitetin e vendit tonë dhe krahas kësaj, krijimi i marrëdhënieve me një vend tjetër nuk bie ndesh me principet e Këshillit të Bashkëpunimit të Gjirit”.  

Ai tha gjithashtu se Arabia Saudite, Egjipti, Bahrejni dhe Emiratet e Bashkuara Arabe që zbatojnë bllokadë ndaj Katarit nuk duhet të kenë shumë pritshmëri nga vendi i tij dhe shtoi: “ Nga Katarit që u bë kurban i komplotit që filloi me sulmin kibernetik ndaj agjencisë zyrtare të lajmeve, nuk duhet pasur pritje të mëdha. Katari është i hapur ndaj dialogut dhe pranon ndërmjetësimin e Kuvajtit, kjo është e mjaftueshme”.

Ai bëri të ditur se vendi i tij, pavarësisht gjithçka, është treguar shumë i duruar që Këshilli i Bashkëpunimit të Gjirit të sigurojë mbrojtjen dhe vazhdueshmërinë dhe për të hyrë në dialog me vendet që zbatojnë bllokadë ndaj Katarit, vendi i tij insiston për “heqjen e bllokadës dhe mos ndërhyrjen në sovranitetin e vendit”.

Ministri i Mbrojtjes së Katarit, Halid bin Muhammed el-Atiyye refuzoi pretendimet se Katari ndërhyn në çështjet e brendshme të vendeve të tjera dhe shtoi: “Ndërmjet Katarit dhe Arabisë Saudite janë bërë shumë mbledhje dhe ndërkohë që në Samitin e Riadit (i cili u zhvillua në muajin maj) nuk ndjemë asnjë tension, është shumë e vështirë të shpjegojmë se si këto vende ndërmarrin një zbatim të tillë ndaj Katarit”.  

Kriza që jetohet mes Katarit dhe disa vendeve arabe filloi më 5 qershor pasi udhëheqjet e Arabisë Saudite, Egjiptit, Emirateve të Bashkuara Arabe dhe Bahrejnit ndërprenë të gjitha marrëdhëniet diplomatike me Katarin.

Katër vendet, të cilat zbatojnë embargo ndaj Katarit, si kusht për përmirësimin e marrëdhënieve i dërguan udhëheqjes së Dohas një listë kërkesash të përbëra nga 13 pika, ndërsa Katari deklaroi se nuk do të pranoj asnjë kërkesë që është në kundërshtim me ligjin ndërkombëtar.



Lajme të ngjashme