Francë - Deputetët dhe senatorët i kërkojnë presidentit njohjen e Palestinës

Deputetët dhe senatorët e të gjitha bindjeve politike kërkuan nga Presidenti François Hollande njohjen e Palestinës si shtet i pavarur.

Francë - Deputetët dhe senatorët i kërkojnë presidentit njohjen e Palestinës

Rreth 154 deputetë dhe senatorë francezë të të gjitha bindjeve politike parashtruan një kërkesë drejtuar François Hollande për njohjen e shtetit të Palestinës, në një letër të publikuar në media.

“Franca duhet të dëshmojë gatishmërinë e saj për të thyer bllokadën në këtë konflikt, duke rikonfirmuar zyrtarisht, në emër të së drejtës së patjetërsueshme për vetëqeverisje që populli palestinez të gëzojë të drejtën e të pasurit një shtet. Kjo ka të bëjë me respektimin e së drejtës ndërkombëtare si dhe sigurinë e Izraelit”, i shkruajnë deputetët kreut të shtetit.

“Zoti presidenti, vihuni në lartësinë e sfidës dhe mos humbni këtë takim me historinë, për të njohur, duke nisur që sot shtetin e Palestinës”, shprehen ata.

Shumica e grupeve politike, të së majtës si dhe të djathtës janë paraqitur në listën e nënshkruesve. Në të radhiten kryesisht Gilbert Roger, senatori socialist dhe lideri i grupit të miqësisë Francë-Palestinë, komunistët Marie-George Buffet dhe Pierre Laurent, senatoret ambjentaliste Aline Archimbaud dhe Esther Benbassa, socialistët Marie-Noëlle Lienemann, Mathieu Hanotin dhe Catherine Tasca si dhe të partisë së djathtë “Republikanët” Jean-Luc Reitzer dhe Michel Voisin.



Lajme të ngjashme