Egjipti do të dëmshpërblejë familjet e turistëve meksikanë

Egjipti do të paguajë 140 mijë dollarë për familjet e turistëve që u vranë gabimisht shtatorin e kaluar, duke mbetur në mes të një operacioni të forcave të sigurisë ndërsa ishin duke bërë safari në shkretëtirë.

Egjipti do të dëmshpërblejë familjet e turistëve meksikanë

Egjipti do të paguajë dëmshpërblim për turistët meksikanë të vrarë gabimisht në këtë vend shtatorin e kaluar.

Autoritetet egjiptiane kanë pranuar të paguajnë 140 mijë dollarë dëmshpërblim për çdo familje të turistëve meksikanë që u vranë gabimisht shtatorin e kaluar duke mbetur në mes të një operacioni të forcave të sigurisë ndërsa ishin duke bërë safari në një shkretëtirë në perëndim të vendit.

Zëdhënësi i Ministrisë egjiptiane të Kulturës, Omaiama al-Huseini konfirmoi çmimin e përcaktuar si dëmshpërblim për familjet e viktimave dhe shtoi se Kajroja zyrtare tani po punon mbi detajet.

Pagesa do të bëhet ‘sa më shpejt që të jetë e mundur’, vetëm se duhet që Egjipti të marrë një vendim lidhur me formën e bërjes së pagesës, sqaroi më tej zëdhënësi.



Lajme të ngjashme