Alarm për 12 000 refugjatët e bllokuar në kufirin me Jordaninë

”Amnesty International” ka lëshuar alarmin për një katastrofë të mundshme humanitare për 12 000 refugjatë sirianë të bllokuar në tokë asnjanëse në kufirin me Jordaninë, që autoritetet e Amanit refuzojnë t’i presin.

Alarm për 12 000 refugjatët e bllokuar në kufirin me Jordaninë

”Jordania duhet të marrë vendime të shpejta për të ndihmuar refugjatët, të cilët po luftojnë për mbijetesë në kushte të dëshpëruara dhe në acar”, deklaroi AI.

“Mes tyre ka gra shtatzëna, fëmijë, të moshuar dhe të sëmurë”, shton organizata.

Dje, UNHCR-ja u kishte kërkuar autoriteteve jordaneze arsyen e grumbullimit të tyre në kufi, nga 4 000 në fillim të nëntorit në 12 000 aktualisht.

Që nga viti 2011, kur filloi konflikti në Siri, Jordania ka pranuar 612 000 refugjatë sirianë, por, me kalimin e kohës, politika e saj kundrejt tyre është bërë shumë shtrënguese.


Fjalët Kyçe:

Lajme të ngjashme