Itali – Zhvillohet turi i katërt vendimtar i presidencialeve

Zgjedhësit e mëdhenj italianë rifilluan sot votimin në turin e katërt të zgjedhjeve presidenciale, që mund të nxjerrë fitues gjykatësin e rezervuar Sergio Mattarella, i zgjedhur nga Matteo Renzi, nëse zbatohen udhëzimet e votimit.

Itali – Zhvillohet turi i katërt vendimtar i presidencialeve

Votimi filloi në orën 08:30 GMT, dhe duke patur parasysh kohën e nevojshme për ardhjen e një mijë senatorëve, deputetëve dhe përfaqësuesve të rajoneve në katër kabina votimi të vendosura në Dhomën e Deputetëve, më tej numërimin e fletëve të votimit, rezultati pritet të bëhet i njohur rreth orës 12:00.

Gjatë tre tureve të para të zhvilluara të enjten dhe të premten, nevojitej një shumicë prej dy të tretash dhe grupimet kryesore politike kishin bërë thirrje për t’i dorëzuar fletët e votimit të pavlefshme, një urdhër që ndiqet nga më tepër se 500 zgjedhës të mëdhenj në çdo tur.

Tashmë, një shumicë e thjeshtë prej 505 votash mjafton për t’u zgjedhur. Kreu i qeverisë, Matteo Renzi u bëri thirrje zgjedhësve të tij të Partisë Demokrate (PD) dhe të tjerëve të votojnë për Mattarelën, për të arritur mbështetjen më të madhe të mundshme në interes të Italisë.


Fjalët Kyçe:

Lajme të ngjashme