Damask: Vriten pesë inxhinier bërthamor

Observatori Sirian për të Drejtat e Njeriut njoftoi se nuk dihen rrethanat e vrasjes si edhe kombësinë e inxhinierëve.

186854
Damask: Vriten pesë inxhinier bërthamor

Pesë inxhinierë bërthamorë u vranë në një makinë me të cilën udhëtonin në periferi të Damaskut, pranë qendrës së kërkimeve shkencore ku ata punonin, njoftoi Observatori Sirian për të Drejtat e Njeriut (OSDH).

Kjo organizatë joqeveritare, që ka një rrjet të gjerë informuesish në të gjithë Sirinë që nga viti i fillimit të luftës, 2011, nuk ishte në gjendje të konfirmonte rrethanat e vrasjes si edhe kombësinë e inxhinierëve.

”Persona të panjohur vranë pesë inxhinierë bërthamorë që punonin në këtë qendër shkencore në Barze, në periferinë veriore të Damaskut”, deklaroi drejtori i Observatorit Sirian për të Drejtat e Njeriut, Rami Abdel Rahmane.

Nuk dihet ende nëse janë goditur nga një bombë.


Fjalët Kyçe:

Lajme të ngjashme