Pilotët e Lufthansa në grevë
Greva do të prek shumë fluturime në distanca të gjata.
Raportohet se pilotët gjermanë të linjës ajrore Lufthansa do të hyjnë në një grevë tetë orëshe, në Aeroportin e Frankfurti.
Sipas sindikatës së pilotëve, pilotët do të ndërpresin punën ditën e martë nga ora 09.00-17.00 në Aeroportin e Frankfurtit. Greva do të përfshijë avionët e tipit Airbus A380, Boeing B747, Airbus A330 ve Airbus A340 ku do të ndikohen shumë fluturime të distancave të gjata.
Sindikata e pilotëve njofton se greva ka për qëllim arritjen e një marrëveshjeje të re për kontratat kolektive.
Deri tani nuk ka asnjë hap për marrëveshje nga drejtuesit e Lufthansas dhe për këtë arsye u morr vendimi për grevë.
Gjithashtu sindikata thekson se është e gatshme të shmangë grevën në rast negocimi dhe ka kërkuar falje për shqetësimin ndaj udhëtarëve të Lufthansas.
Në mosmarrëveshje me drejtuesit e Lufthansës pilotët që nga muaji prill kanë tentuar 4 herë të ndërprenë punën.
Për shkak të ndërprerjes së punës nga pilotët e Lufthansës në aeroportin e Munihut dhe të Frankfurtit në javët e kaluara u anuluan më shumë se 300 fluturime dhe u prekën më shumë se 45 mijë udhëtarë.
Ndërsa në grevën paralajmëruese të bërë në prill nga sindikata e pilotëve në Gjermani e cila përfaqësohet me një total 9 mijë e 500 pilotë, Lufthansa anuloi afërsisht 3 mijë fluturime dhe nga kjo u prekën rreth 400 mijë udhëtarë .
