Operacioni “Burimi i Paqes”

Qëllimi ynë është paqja
objektivi është terrorizmi

Ministri grek i Mbrojtjes kërkon ndihmën e popullit për të blerë anije luftarake

Ministri i Mbrojtjes së Greqisë, Panos Kammenos deklaroi se, për të blerë anije të reja luftarake për flotën greke, do të mbledhin lekë nga populli, duke hapur një llogari ndihme.

Ministri grek i Mbrojtjes kërkon ndihmën e popullit për të blerë anije luftarake

Greqia do të mbledhë ndihma nga populli për të blerë anije luftarake.

Ministri i Mbrojtjes së Greqisë, Panos Kammenos deklaroi se, për të blerë anije të reja luftarake për flotën greke, do të mbledhin lekë nga populli, duke hapur një llogari ndihme.

Në ditën e Shën Nikollës, për të cilin besohet se është mbrojtësi i marinarëve, Kammmenos mori pjesë dhe mbajti një fjalim në ceremoninë e organizuar në akademinë e marinës në Pire.

Duke theksuar se Greqia, së bashku me vendet e Mesdheut, do të bëhet qendër dhe prodhuese e energjisë, Kammenos tha: “Kjo na detyron të zotërojmë një flotë të fuqishme për të mbrojtur të drejtat tona sovrane dhe për të përforcuar sigurinë e rajonit”.

Ai tha se këtë objektivë duhet ta arrijnë vitin e ardhshëm.

“Por tani kemi nevojë për bamirësit dhe dhuruesit e mëdhenj të vendit tonë. Për të blerë fregata dhe anije admirali, për të përforcuar flotën tonë, i bëj thirrje popullit dhe armatorëve grekë, që duke kursyer nga nevojat e veta të na mbështesin në këtë përpjekje kombëtare me llogarinë (bankare), që do të hapet në 1 janar 2019” tha Kammenos.   

Ai deklaroi se ndihmën e parë do t’a derdhë në llogarinë në fjalë nga rroga e vet.

Greqia, e cila përpiqet të lërë pas krizën ekonomike, bën edhe një shpenzim ushtarak mbi 5 miliardë dollarë gjatë vitit.

Me këtë vlerë, që korrepondon me 2,5% të të ardhurave kombëtare, Greqia është një nga vendet që i plotëson kriteret e NATO-s në lidhje me shpenzimet ushtarake.

 


Lajme të ngjashme