Besimtarët në Ballkan falin namazin e parë të teravisë

Agjencia Turke e Lajmeve Anadolli raportoi se besimtarët myslimanë mbrëmë falën namazin e teravisë së parë para muajt të shenjtë të Ramazanit nëpër xhamitë e vendeve të Ballkanit, ndër të cilat edhe nëpër ato të Shkupit, Tiranës dhe Prishtinës.

Besimtarët në Ballkan falin namazin e parë të teravisë

Agjencia Turke e Lajmeve Anadolli raportoi se besimtarët myslimanë mbrëmë falën namazin e teravisë së parë para muajt të shenjtë të Ramazanit nëpër xhamitë e vendeve të Ballkanit, ndër të cilat edhe nëpër ato të Shkupit, Tiranës dhe Prishtinës.

Xhamitë e Shkupit ishin të tej mbushura me besimtarë, por një ndër më të frekuentuarat ishte xhamia e Mustafë Pashës. Para fillimit të faljes së namazit besimtarët patën mundësi të dëgjojnë ligjëratë nga imami i xhamisë, ndërse ata që nuk mundën të gjejnë vend brenda xhamisë, faljen e namazit e kryen jashtë në oborrin e xhamisë.

Po ashtu edhe në Shqipëri, ashtu sikurse në të gjitha xhamitë e vendit, edhe ato të kryeqytetit, Tiranës, ishin mbushur me besimtarë të cilët i janë drejtuar Krijuesit të tyre në lutjet dhe namazin e kësaj teravie të parë.

Xhamia Et’hem Beu dhe ajo e Pazarit të Ri në Tiranë kanë qenë gjithashtu dy xhami ku besimtarët kanë kryer ritin e tyre për faljen e teravisë së parë. Në xhaminë e Pazarit të Ri, besimtarë të shumtë janë falur edhe jashtë ambienteve për shkak të mungesës së vendeve brenda në ambientet e kësaj xhamie.

Kurse qindra qytetarë të fesë islame në Prishtinë pas faljes së namazit të jacisë falën namazin e parë të teravisë në Xhaminë Sulltan Mehmet Fatih, ku në muajin e madhërishëm të Ramazanit kanë hyrë me lexim të Kur'anit, me lutje dhe salavate. Xhamia ishte e mbushur me besimtarë ku i pranishëm ishte edhe myftiu i Kosovës Naim Tërnava.

Namazi i teravive, i cili është namaz sunnet, për meshkuj dhe femra, falet çdo mbrëmje gjatë muajit të Ramazanit, pas namazit të jacisë, duke filluar një mbrëmje para fillimit të agjërimit dhe duke mbaruar një mbrëmje para ditës së Fitër Bajramit.

Fjala “teravi” do të thotë çlodhje ose pushim, ndërsa namazi i teravive është emërtuar kështu sepse muslimanët e gjeneratës së parë, gjatë faljes së namazit të teravive pushonin pas çdo dy selamesh, do të thotë, pas çdo rekati të katërt shkruan në lajmin e saj AA.



Lajme të ngjashme