Parlamenti Evropian miratoi rezolutën për Shqipërinë

Me 546 vota pro Parlamenti Evropian ka miratuar një rezolutë për Shqipërinë me theks të veçantë zbatimin e reformës në drejtësi, progresin në luftën kundër krimit dhe korrupsionit.

Parlamenti Evropian miratoi rezolutën për Shqipërinë

Parlamenti Evropian (PE) miratoi të mërkurën një rezolutë për Shqipërinë, ku vihet në dukje zbatimi i reformës në drejtësi, progresi në luftën kundër krimit dhe korrupsionit, etj.

Rezoluta për Shqipërinë është miratuar me 546 vota pro, 85 ishin kundër dhe 62 abstenime.

Në rezolutë theksohet se zgjedhjet e lira dhe të ndershme në qershor të vitit 2017 janë kyçe për avancimin proceseve të anëtarësimit të vendit në Bashkimin Evropian (BE).

Raportuesi Knut Fleckenstein është shprehur se Shqipëria ka bërë progres të vazhdueshëm gjatë viteve të fundit. Sipas tij, miratimi i reformës për sistemin gjyqësor është një moment historik në rrugën e Shqipërisë drejt anëtarësimit në BE.

Përgatitjet e Shqipërisë për anëtarësimin në BE nisën në vitin 2000. Në vitin 2009 Shqipëria u bë pjesë e NATO-s. Vendi ka ndërmarrë reforma për procesin e anëtarësimit me të drejta të plota në BE dhe në qershor të vitit 2014 mori statusin e vendit kandidat.



Lajme të ngjashme