Athina në kërkim të ndihmës së fqinjëve për krizën e refugjatëve

Gazeta e njohur greke “To Vima” në një lajm të saj të bazuar në burime diplomatike shkruan se Athina ka në plan të kërkojnë ndihmën e Tiranës dhe të Romës për të përballuar valën e refugjatëve.

makedonya-yunanistan sınırı idomeni.jpg
yunanistan pire limanı idomeni çiftçiler.jpg

Ministri grek i Punëve të Jashtme, Nikos Koxias po përgatit takime me kolegët e tij nga Shqipëria dhe Italia, në të cilat do të bisedohet për krizën e refugjatëve në Ballkan, shkroi të martën gazeta e njohur greke “To Vima” duke iu referuar burimeve diplomatike.

Gazeta thekson se kjo iniciativë vjen tejet vonë dhe se Greqia po tenton të aktivizohet në mënyrë që të parandalojë më të keqen.

Ky proces, sipas të gjitha gjasave do të ketë dy faza.

E para do të jetë konsultime tripalëshe Athinë-Tiranë-Romë, ndërsa e dyta bisedimet do të mbahen ndërmjet Athinës, Sofjes, Tiranës dhe Shkupit.

Një burim diplomatik për gazetën ka informuar se Koxias këtë ia ka propozuar ministrit shqiptar të Punëve të Jashtme, Ditmir Bushati, gjatë vizitës së tij të paradokohshme në Athinë.

Gazeta thotë se takimi mes përfaqësuesve të Greqisë, Shqipërisë dhe Italisë është caktuar për datën 7 prill dhe në të do të bisedohet për mundësitë për zgjerimin e bashkëpunimit. Kjo sipas të gjitha gjasave do të përfshijë shkëmbim të informacioneve dhe zgjerim të bashkëpunimit ndërmjet policive të tre vendeve.

”Pas takimit të së enjtes, Koxias do të tentojë të arrijë marrëveshje të ngjashme edhe me Maqedoninë dhe Bullgarinë. Nëse shkohet sipas planit, hapi i ardhshëm do të jetë më i madh”, shkruan “To Vima”.


Lajme të ngjashme