Mbahet sot në Tiranë një samit i Kartës së Adriatikut

Në Tiranë mbahet sot një samit i rëndësishëm në kuadër të Kartës së Adratikut, që përbën një marrëveshje ndërmjet SHBA-ve dhe vendeve të Ballkanit si një "paradhomë" politike për anëtarësimin në NATO.

Mbahet sot në Tiranë një samit i Kartës së Adriatikut

Përveç vendeve anëtare të Kartës së Adriatikut, që janë pesë shtete: SHBA, Shqipëria, Bosnjë-Hercegovina, Kroacia, Mali i Zi dhe Maqedonia; në këtë samit do të jenë prezentë si vëzhguese Sebia dhe Kosova.

Siç njofton zyra e shtypit e Ministrisë së Punëve të Jashtme të Shqipërisë: "Të hënën, më datë 15 dhjetor 2014, ora 11:30, në sallën Apollonia të Hotel Rogner, do të zhvillohet Takimi i Komisionit të Partneritetit në nivel të Ministrave të Punëve të Jashtme të Kartës SHBA-Adriatike A5. Në takim do të marrin pjesë vendet anëtare të Kartës SHBA-Adriatik, Shqipëria, SHBA-të, Bosnjë-Hercegovina, Kroacia, Mali i Zi, Maqedonia, si dhe dy vendet vëzhguese të saj, Kosova dhe Serbia. Pas përfundimit të takimit, në orën 12:30, Ministri Bushati do të ketë një dalje për shtyp në sallën London-Paris-Rome në Hotel Rogner".

Burime zyrtare bëjnë të ditur së në takim disa vende do të përfaqësohen me ministrat e Jashtëm dhe disa vende do të përfaqësohen nga zv/ministrat e Jashtëm. Ndërkaq, mësohet se Shtetet e Bashkuara të Amerikës do të përfaqësohen nga një zyrtar i lartë i Departamentit amerikan të Shtetit.


Fjalët Kyçe:

Lajme të ngjashme