ولسمشر اردوغان د ډونلد ټرمپ سره ټیلیفوني خبرې وکړې

د تورکیې ولسمشر رجب طیب اردوغان د امریکا د ولسمشریزو ټاکنو ګټونکي ډونلډ ټرمپ ته مبارکي ورکړه.

د ولسمشرۍ ماڼۍ د عامه اړیکو ریاست له خوا د خپور شوي بیان له مخې  ولسمشر اردوغان د امریکا له ټاکل شوي ولسمشر ډونلډ ټرمپ سره ټیلیفوني خبرې وکړې.

په دې ټیلیفوني  خبرو کې ولسمشر اردوغان ټرمپ ته د ټاکنیزې بریا له امله مبارکي ورکړه.

ولسمشر اردوغان په دې خبرو کې په نوي پړاو کې د تورکیې او امریکا ترمنځ د همکاریو د پراختیا هیله څرګنده کړه.