د تورکیې د ټرانسپورت وزیر : د پراختیايي لارې پروژه کیدای شي چې په ۵ یا ۶ کلونو کې بشپړه شي

د تورکیې د  ترانسپورټ او زیربنا وزیر يورال اوغلو وویل ، د پراختیايې لارې پروژه کیدای شي  چې د ۵ یا ۶ کلونو په دننه کې پلي  شي.

د تورکیې د ټرانسپورت وزیر د پراختیايي لارې  پروژې په اړه د عراق په پلازمینه بغداد کې جوړه شوې د تورکیې، عراق، متحده عربي اماراتو  او قطر په ګډون د وزیرانو د شورا په دویمه څلور اړخیزه غونډه کې د ګډون نه  وروسته خبري کنفرانس کې ګډون وکړ.

يورال اولو څرګنده کړه چې د ۱۲۰۰ کیلومترو په اوږدوالي سره  دا پروژه د اورګاډي او لوې لارې په درلودو سره په واقعیت کې چې یوه ډیره ارزښتناکه پروژه ده. هغه وویل، موږ پدې غونډه کې په پروژه کې  د انرژۍ او مخابراتي شبکې د  اضافه  کولو په څرګنتیا او امکاناتو هم خبرې وکړې.

اورال اوغلو وویل  چې دوی په پام کې لري چې په ۲۰۲۵  کال کې د دې پروژې د جوړولو کار پیل کړي او وویل ، کیدای شي چې په ۵ یا ۶ کلونو په دننه کې دا پروژه بشپړه شي.

د پراختیايي سړک پروژه یوه مهمه پروژه ده چې موخه یې د تورکیې او عراق ترمنځ د ځمکې او ریل پټلۍ ترانسپورټي دهلیز پراختیا ده، چې د بصره ښار څخه د تورکیې پولې ته غځول کیږي.