هاکان فیدان وویل چې د اسرائیل او ایران ترمنځ جګړه باید د لوړ احتمال په توګه وارزول شي.

د تورکیې د بهرنیو چارو وزیر هاکان فیدان وویل چې د اسرائیل او ایران ترمنځ جګړه باید د لوړ احتمال په توګه وارزول شي.

هاکان فیدان دا څرګندونې د یو خصوصي تلویزیوني چینل سره په مرکه کې وکړې.

فیدان د منځني ختیځ وروستیو پېښو ته په اشارې سره  ویل: "موږ اوس له پیچلو پېښو سره مخ یو. په یوه ځای کې د فلسطین غزې نسل وژنه ده، په بل ځای کې لبنان دی، او په بل ځای کې د ایران سره د احتمالي جګړې امکان شته. هر یو بېل دینامیک لري. موږ د ټولو په اړه خبر یو."

فیدان د اسرائیل او ایران ترمنځ د جګړې احتمال په اړه وویل: "موږ باید دا د لوړ احتمال په توګه وارزوو. موږ باید د هیواد او سیمې په توګه دې ته چمتو اوسو. په سیمه کې د جګړې خپرېدل زموږ هیله نه ده. موږ په تېرو ۲۰ کلونو کې په منځني ختیځ کې چې د اشغال او ویجاړۍ ښکار شوی یو او د جګړې د پای ته رسولو لپاره په جدي توګه هڅې کوو. د سیمې د خلکو د ثبات او امنیت لپاره باید جګړې مخنیوی وشي."

د بهرنیو چارو وزیر زیاته کړه: "که ایران خپله مشروع دفاع وکړي، دا د هغوی حق دی."