تورکیې ته د عرب لیګ د بهرنیو چارو وزیرانو په غونډه کې د ګډون بلنه ورکړ شوه

د تورکیې لخوا د روابطو د عادي کولو بهیرونه او په منځني ختیځ کې د هغه مهم رول د سیمې د هیوادونو او تورکیې ترمنځه د اړیکو بهیر ګړندی کړی دی.

تورکيې ته  د عربي ټولنې د بهرنيو چارو وزيرانو شورا په غونډه کې د ګډون بلنه ورکړ شوې ده . دا غونډه به سبا پيل شي.

تمه ده چې پدې غونډه کې د تورکیې د بهرنیو چارو وزیر هاکان فیدان ګډون وکړي. ویل کیږي ددې غونډې اجنډا د سیمه ییزو مسلو په ځانګړې توګه د غزې مسئله ده.

د عربي ټولنې د بهرنیو چارو وزیرانو شورا په کال کې دوه ځلې د مصر په پلازمېنه قاهره کې غونډه کوي.