د تورکیې د ملي استخباراتو مشر د لیبیا د لومړي وزیر سره لیدنه وکړه

د تورکیې د ملي استخباراتو سازمان  مشر ابراهیم قالن د لیبیا د ملي یووالي حکومت  له لومړي وزیر عبدالحمید الدبیبه  سره  لیدنه وکړه. پدې لیدنه کې د دواړو هیوادونو د اړیکو، د ګډ اهمیت مسئلو او په منځني ختیځ کې د پرمختګونو او د غزې په تړانګه د اسرائیلو بریدونه په اړه خبرې وکړې.

د لیبیا د ملي یووالي حکومت  لخوا په خپل رسمي فیسبوک پاڼه کې د خپور شوي بیان له مخې ، لومړي وزیر الدبیبه په پلازمینه طرابلس کې د هغه په ​​دفتر کې د تورکیې د ملي استخباراتو سازمان د مشر ابراهیم  قالن سره لیدنه وکړه.

په دې لیدنه کې د دواړو هېوادونو پر اړیکو، په منځني ختیځ کې د ګډ اهمیت او پرمختګونو په ځانګړي ډول پر غزې د اسرائیلو د روانو بریدونو په اړه خبرې وشوې.

دواړو همداراز په سیاسي او امنیتي برخو کې د همکاریو پر زیاتوالي، د سیمه ییز ثبات د ملاتړ او د ملکي وګړو د خوندیتوب لپاره د ګډ کار پر اړتیا ټینګار وکړ.