د تورکیې د ملي استخباراتو سازمان د اسرائیلو د استخباراتي شبکې  پر خلاف یو بل مهم عملیات ترسره کړل.

د تورکیې د ملي استخباراتو سازمان د اسرائیلو د استخباراتي شبکې  پر خلاف یو بل مهم عملیات ترسره کړل.

د تورکیې د ملي استخباراتو سازمان د اسرائیلو استخباراتي خدماتو  موساد د پیسو شبکه افشا کړه. د تورکیې ملي استخباراتو د لیریډون ریکسیپي په نامه یو تن چې په تورکیه او سوریه کې  د موساد ساحوي پرسونل ته پیسو د انتقال مسئولیت په غاړه درلود ونیو.

د امنیتي سرچینو څخه د ترلاسه شویو معلوماتو له مخې، دا معلومه شوه چې ریکسیپي په تورکیه کې د موساد د پیسو شبکه اداره کوله.

د تورکیې استخباراتو دا معلومه کړه چې ریکسیپي، د اسرائیلو د استخباراتو د خدماتو په لارښوونه د ډرون کمرو په واسطه فلمبرداري کوي او د فلسطیني سیاستوالو په وړاندې د رواني عملیاتو ترسره کولو هوډ درلود، په تورکیه کې ساحوي پرسونل ته پیسې لیږدولې چې د سوریې د ساحې په اړه معلومات راټولوي.

د ریکسیپي  په مالي حسابونو کې غیرې منظم حرکاتو د هغه هر څه په ډاګه کړل.

د کوسوو تبعه ریکسیپي چې د اګست په ۲۵ تورکیې ته داخل شوی و، د اګست په ۳۰مه په استانبول کې ونیول شو.

لیریډون ریکسیپي چې د پولیسو په مرکز کې په خپل بیان کې د پیسو لیږد منلی، په د محکمې په حکم زندان ته واستول شو.

د تورکیې د ملي استخباراتو لخوا د ترسره شویو عملیاتو په پایله کې، دا معلومه شوه چې موساد د ختیځې اروپا هیوادونو، په ځانګړې توګه کوسوو څخه په تورکیه کې په ساحه کې خپلو پرسونل ته پیسې لیږدولې.

ټاکل شوې وه چې په تورکیه کې ساحوي پرسونل له کوسوو څخه راغلې پیسې په سوریه کې خپلو فرعي سرچینو ته انتقال کړي.

دا هم ټاکل شوې وه چې په سوریه کې خلکو ته د کریپټو اسعارو له لارې تادیات ورکړل شوي.