د تورکیې ولسمشر رجب طیب اردوغان له خپل ایراني سیال ابراهیم رئیسي سره ټیلیفوني خبرې وکړې.
ولسمشر اردوغان پدې ټيلیفوني خبرو کې د ایران د کرمان په ولایت کې د قدس ځواکونو د پخواني قوماندان قاسم سلیماني د تلین په مراسمو په ترسره شوو ترهګریزو بریدونو کې د وژل شوو کسانو په خاطر رئيسي ته تسلیت ووایه او خواخوږي يي څرګنده کړه.
د تورکیې ولسمشر رجب طیب اردوغان له خپل ایراني سیال ابراهیم رئیسي سره ټیلیفوني خبرې وکړې.
ولسمشر اردوغان پدې ټيلیفوني خبرو کې د ایران د کرمان په ولایت کې د قدس ځواکونو د پخواني قوماندان قاسم سلیماني د تلین په مراسمو په ترسره شوو ترهګریزو بریدونو کې د وژل شوو کسانو په خاطر رئيسي ته تسلیت ووایه او خواخوږي يي څرګنده کړه.
اردوغان د ملکي وګړو په نښه کول ترهګریز بریدونه په کلکو ټکو وغندل او وې ویل چې تورکیه له ترهګرۍ پر وړاندې په مبارزه د ایران تر څنګ ولاړه ده او د ایران ولس ته یې ددې سترې غمیزې له امله د تسلیت مراتب وړاندې کړل او د صبر غوښتنه يي وکړه. ولسمشر اردوغان پدې ټیلیفوني خبرو کې ایران ته د ترهګرۍ پر وړاندې د ګډې مبارزې بلنه ورکړه.
همداشان پدې ټیلیفوني خبرو کې تورکیې ته د ایران د ولسمشر ابراهیم رئیسي سفر چې په پام کې وه نن ترسره شي یوې راتلونکې نیټې ته د ځنډولو په اړه موافقه وکړه.
د ویلو ده چې پرون چارشنبه د جنوري دریمه نیټه د مازیګر په ساعتونو کې د ایران په کرمان ولایت کې د سپاه پاسداران د قدس ځواکونو د پخواني قوماندان قاسم سلیماني قبر ته څېرمه په دوو تروریستي حملو کې تر سلو ډیرو کسانو خپل ژوند له لاسه ورکړ.
په ایران کې د سلیماني د وژل کیدو د څلورم تلین په مناسبت چې د ۲۰۲۰ کال د جنورۍ په ۳ نیټه د عراق په پلازمینه بغداد کې د امریکا په برید کې ووژل شو، د یاد پروګرامونه جوړ شول.
