د جولای د ۱۵مې په اړه د هیواد د بهرنیو ، دفاع او کورنیو چارو وزیرانو پیغامونه

د  تورکیې د  بهرنیو چارو وزیر هاکان فیدان، د جولای د ۱۵ د ډیموکراسۍ او ملي یووالي ورځې په مناسبت یو پیغام خپور کړ.

فیدان په خپل ټولنیز میډیا پاڼه کې په خپور کړي پیغام کې لاندې څرګندونې کړي:

"زموږ ستر ملت زموږ د ولسمشر په مشرۍ د جولای په پنځلسمه د نړیوال امپریالیزم د نیابتي لاسپوڅو له لارې د تورکیې د نیولو هڅه ناکامه کړه او د تورکیې د پیړۍ دروازې یې پرانېستې. زه د خپلو هغو شهیدانو په ډیر درناوي  سره یادونه کوم، چې په ډیر زړوتیا او پرته د ډاره لارو او سړکانو ته د وتو سره د خپلو سرونو په فدا کولو سره د فتو خاینې شبکې  مخه ونیوله . همداشان  د جولای د ۱۵ مې د اتلو غازیانو نه مننه کوم. چې د د تورکیې خاورې ته روان شول. د ملي یووالي ورځ مو مبارک شه!"

د تورکیې د ملي دفاع وزیر یاشر ګولر هم د جولای د ۱۵ په اړه  د ټولنیزې میډیا له لارې پیغام خپور کړی دی.

"موږ د خپلو هغو شهيدانو يادونه کوو، چې د جولای د ١٥مې په شپه يې د وطن، بيرغ او خپلو مقدساتو او ارزښتونو لپاره خپل ژوند په بدل کې د غدارانو پر وړاندې په کلکه ودریدل. همداشان د جولای د ۱۵ مه په شپه د وطن سره د مینې په برخه کې داستان لیکلي خپلو اتلو غازیانو نه په ډیر درناوي  سره مننه کوم او خپلې نیکې هیلې ورته وړاندې کوم. "

له بلې خوا د کورنیو چارو وزیر علي یرلی کایا د جولای د ۱۵مې د دیموکراسۍ او ملي یووالي د ورځې د ۷مې کلیزې په مناسبت په خپل ټولنیزه میډیا کې  په خپور کړي  پیغام کې لاندې څرګندونې کړي:

"د جولای د ۱۵ مې د اوومې کلیزې په مناسبت د هېواد په هر ګوټ کې د تورکیې د پيړۍ اتلانو خپلو شهیدانو، غازیانو او په لاسونو کې د هیواد د سپیڅلي  بیرغ سره  د خاینینو پر وړاندې خپلې سینې او ټټرونه سپر کړو خپلې په میلینونونو تنو هیوادوالو نه مننه کوو او خپلو شهیدانو په ډیرې درناوۍ سره یادونه کوو.

او لکه څرنګه چې زمونږ  ولسمشر  ښاغلی رجب طیب اردوغان ویلي " تاسې به هیڅکله هم بریالي نشئ! تاسې به هیڅکله هم  پدې قادر نشۍ چې زمونږ ملت پارچه پارچه کړۍ! تاسې به هیڅکله هم بریالي نشۍ چې زمونږ سپیڅلی بیرغ راښکته کړۍ! تاسې به هیڅکله هم کامیاب نشۍ چې زمونږ ګران وطن ټوټه ټوټه کړۍ!  تاسو به هیڅکله هم بریالي نشۍ چې زمونږ دولت ړنګ کړۍ! تاسې هیڅکله هم زمونږ دعاګانې  خاموشولی نشۍ! تاسو به  هیڅکله هم پدې قادر نشۍ چې دا هیواد په ګونډو کړۍ! تاسو زمونږ دا زړور ملت په کونډو کولی نشۍ! تاسو مونږ ددې سپڅلې لارې نه په شا کولې نشۍ! تاسو زمونږ د هدفونو مخه نیولی نشۍ! د تورکیې د پیړۍ اتلان #د تورکیې سوله"