د تورکیې ولسمشر رجب طیب اردوغان د ولسمشرۍ ټاکنو د دویم پړاو په خاطر خپله رایه په استانبول کې وکاروله
ولسمشر اردوغان خپله رای په استانبول کې وکاروله
د تورکیې ولسمشر رجب طیب اردوغان د ولسمشرۍ ټاکنو د دویم پړاو په خاطر خپله رایه په استانبول کې وکاروله.
د ولسمشر اردوغان د استانبول د اوسکودار په ولسوالۍ کې صافت چلبي په منځني ښوونځي کې خپله رایه وکاروله. د ولسمشر اردوغان سره د هغې میرمن آمنې اردوغان ملګرتیا کوله.
ولسمشر اردوغان خپله رایه صندوق ته د اچولو نه وروسته لنډې څرګندونې وکړې.
ولسمشر اردوغان وویل چې د نړۍ په تاریخ کې داسې هیواد چې په ټاکنو کې ۹۰ سلنه وکړي شتون نلري. تورکیه په ډیر ښه شکل سره د ډیموکراسۍ مجادله مخکې وړي.
هغه وویل چې ټاکنو پدې دویم پړاو کې یواځې د دوو نوماندانو ترمنځه سیالي کیږي. زه باور لرم چې د رای اچونې پروسه به په ډیر سرعت سره ترسره شي.د تورکیې په تاریخ کې د لومړي ځل دی چې د ولسمشرۍ ټاکنې دویم پړاو ته غځیږي. تورکیه د لومړي ځل لپاره د داسې یوې پيښې شاهدي کوي. د الله تبارک و تعالی نه زمونږ غوښته داده چې دا ټاکنې د هیواد او ملت لپاره د خیر او برکت وسیله وګرځي. همداشان د هیوادوالو نه زمونږ غوښتنه داده چې لاړ شي او خپلې رایې وکاروي.
ولسمشر اردوغان د خپلې رایې د کارولو نه وروسته د ښوونځي په باغچه کې راټولو شوو هیوادوالو سره لیدنه کړه.
همداشان د ولسمشرۍ بل نوماند کمال قلچدار اوغلو هم په پلازمینه انقره کې خپله رایه وکاروله.
د قلچدار اوغلو سره هم د هغه میرمنې او جمهوریت خلق ګوند ځیني چارواکیو ملګرتیا کوله.
اړوند خبرونه
اردوغان : د ایران او اسرائیلو ترمنځه د کړکیچ یوازینی مسؤل نتنیاهو دی.
د ایران او اسرائیلو ترمنځه د کړکیچ یوازینی مسؤل د اسرائیلو لومړی وزیر بنیامین نتنیاهو دی.