تورکیې د فرانسې پر خلاف ډیر سخت غبرګون وښود

د تورکیې د ملي شورا  رئیس  مصطفی شینتوپ د فرانسې د سنا مجلس لخوا   د بیلتون غوښتونکي ترهګریز سازمان PKK/YPG غړو کوربه توب او ترهګرو ته د مډالونو ورکولو په اړه  ډیر سخت غبرګون وښود.

مصطفی شینټوپ د خپل ټولنیز میډیا پاڼې له لارې  په خپور کړي پیغام کې ویلي دي چې د فرانسې  د سنا مجلس لخوا  د بیلتون غوښتونکي  ترهګریز سازمان  د غړیو کوربه توب چې د تورکیې ملي امنیت ته ستر ګواښ مخامخ کړی دی، که څه هم یوه  ډیره وخیمه خبر ده  خو زموږ لپاره د حیرانتیا خبره نه ده.

شینټوپ یادونه کړې  چې موږ ددینه مخکې هم  د ترهګرو سازمانونو سره په ځانګړې توګه د داعش سره  د فرانسې د پټو او په ښکاره اړیکو شاهدي‌ کړې ده  . هغه زیاته کړې ده چې  " د پارلمان د رئیس په توګه، زه باید ووایم ،  د یو هیواد پارلمان  چې  د یوه ترهګریز سازمان د غړو کوربه توب کوي، دا د هغه  پارلمان اعتبار ضعیفه او له منځه وړي.

موږ د فرانسې څخه چې  چې  خپل پارلمان د غړیو په وسیله  ټولې نړۍ ته د پي‌ کاکا  ترهګریز سازمان د سوریې د څانګې سره  د خپلو پراخو اړیکو  اعلان او بیان کړی دی  حقوقو، بشریت او یو عصري او د باور وړ یو دولت په توګه د چلند کولو تمه لرو."

د بله پلوه د تورکیې د عدالت او پراختیا ګوند مرستیال او د ګوند ویاند عمر چلیک  پدې اړه سخت غبرګون ښودلی او د خپل ټولنیز میډیا پاڼې له لارې په خپور کړي‌ پيغام کې ویلي‌ دي‌  چې " دا د فرانسې لپاره د شرم خبره ده چې د فرانسې په سنا کې د ترهګریز سازمان PKK/YPG غړو کوربه توب کوي."

هغه وویل، "دا هم یو پاروونکی عمل دی چې د تورکیې او فرانسې دوستي په نښه کوي. موږ دا سپکاوی په کلکه غندو."