د تورکیې د وان په ولایت کې په لسګونو تنه ناقانونه افغان کډوال ونیول شول.

د تورکیې د وان په ولایت کې په لسګونو تنه ناقانونه افغان کډوال ونیول شول.

د وان ولایت  د ژاندارم قومندانۍ ویلي دي چې د وان ولایت د مرادیه په ولسوالۍ کې د پلټنو په ترڅ کې ژاندارم ځواکونو یو شکمن بار وړونکی موټر ودرو.

د موټر چلوونکي چې د یوې کډۍ د انتقال ادعاء کوله د امنیتي ځواکونو د پلټنو په ترڅ کې پدې موټر کې د کډې تر شا په یو ځانګړي برخه کې پټ کړی شوي ۶۰ تنه کډوال وموندل شول.

امنیتي ځواکونو د موټر چلوونکی د کډوالو د قاچاق په تور ونیو.

د ژاندارم ځواکونو ویلي دي چې نیول شوي کډوال ټول د افغانستان وګړي دي.

نیول شوي کډوال د وان ولایت د کډوالۍ  د چارو ریاست ته وسپارل شول.

ویل کیږي نوموړي کډوال د کډوالو د بیرته ستنولو کمپ ته انتقال شوي دي.

نیول شوي ناقانونه کډوال به د قانوني مراحلو د پلي کیدو نه وروسته خپل هیواد ته واستول شوي. د ویلو ده چې په تورکیه کې د ناقانونې کډوالۍ پر خلاف مبارزه د خپل ټول شدت سره دوام لري.