ولسمشر رجب طیب اردوغان د اتریش د لومړي وزیر کارل نههمر سره ټیلیفوني خبرې وکړې.
د ترکیې ولسمشر د اتریش د لومړي وزیر سره اوکراین او روسیې ته د سفر نه مخکې ټیلیفوني خبرې وکړې
ولسمشر رجب طیب اردوغان د اتریش د لومړي وزیر کارل نههمر سره ټیلیفوني خبرې وکړې.
د ولسمشرۍ ماڼۍ د عامه اړیکو د دفتر له خوا په خپره شوې خبرپاڼه کې راغلي، چې ولسمشر اردوغان د اتریش د لومړي وزیر سره ټیلیفوني خبرې وکړې. په دې خبرو کې د ترکیې او اتریش ترمنځ د اړیکو د ښه کولو پر ګامونو او د روسیې او اوکراین د جګړې په ګډون د سیمې پرمهم مسایلو خبرې وشوې.
ولسمشر اردوغان پدې وروستیو کې د ترکیې او اتریش ترمنځ په لوړه کچه د تماسونو د ډیریدو په اړه د خوښۍ په څرګندولو سره وویل چې په اتریش کې میشتو ترکي ټولنو چې د دواړو هیوادونو ترمنځ ژورې انساني اړیکي جوړې کړي دي د هوساینې او سوکالۍ په لاره کې اوچتیدونکو هر مهم ګام او حساسیت ښودل زمونږ ترمنځه د اړیکو په لا ودې او پیاوړي کولو مخامخ اغیزې کوي.
ولسمشر اردوغان وویل چې دوی د روسیې او اوکراین ترمنځ چې د فبرورۍ له ۲۴ راهیسې په جګړه کې ښکیل دي، د سولې د ټینګښت لپاره خپلو هڅو ته دوام ورکوي.
ولسمشر اردوغان وویل ددې په هیله چې د ترکیې او اروپايي ټولنې ترمنځه د اړیکو میکانیزمونه بیا فعال شي ، ترکي اتباعو لپاره د ویزې د معافیت په برخه کې کوټلي ګامونه اوچت شي او د غړیتوب په مذاکراتو کې نوي فصلونه پرانستل شي او
د ګمرکونو په یووالي پرته له ځنډه بیا کتنه وشي .
ولسمشر اردوغان ددې خبرې په ټینګار وویل چې د خزر او ختیځې مدیترانې انرژي د ترکیې له لارې اروپا ته انتقال ځانګړی اهمیت لري.
اردوغان وویل چې دوی کولی شي په دې برخه کې له اتریش سره چې د اروپا د طبیعي ګازو د ویش مهم مرکز دی، خپلې همکارۍ زیاتې کړي..
اړوند خبرونه
