په نیویارک کې د ترکېې کور ودانۍ د ولسمشر اردوغان لخوا پرانیستل شوه

د ویلو ده چې نیویارک تر ټولو په مهمه د منهاټن په سیمه کې د ترکیې کور د ودانۍ بڼسټ چې ۴ کاله مخکې ایښودل شوی وو تیره ورځ د ځانګړو مراسمو په ترڅ کې پرانیستل شوه.

پدې مراسمو کې د ولسمشر اردوغان سربیره د شمالي‌ قبرس ترک جمهوریت ولسمشر ایرسین تاتار او یو زیات شمیر نورو کورنیو او بهرنیو لوړپوړو میلمنو ګډون کړی وو.

ولسمشر اردوغان  د ترکیې کور د ودانۍ د پرانیستو په مراسمو کې په خپله وینا کې وویل چې  " دا ستره ودانۍ به په نیویارک کې زمونږ د دایمي‌ نماینده ګۍ او جنرال قونسلګرۍ کوربه توب وکړي. ترکیه د ملګروملتونو سازمان د بڼسټګرو غړیو نه د یو په توګه  د نړۍوالې سولې او ثبات د ټینګښت سره ډیره زیاته مرسته کوي. د ملګروملتونو سازمان په چوکاټ کې مو په غاړه اخیستي‌ نړۍوال ماموریتونه په ډیره بریالي‌ توګه ترسره کړي‌ او ترسره کولو ته دوام ورکوو. یو ځل بیا غواړم چې ووایم نړۍ د پنځو هیوادونو نه لویه ده. ترکیه د څو قطبي، هر اړخیز ، عادل  او فعاله یو نړۍوال  نظم او نظام پلوي‌ کوي. دادی نن د پرمختګ په حال کې او د یوې لا پياوړې او سترې ترکیې  د لا قوي‌  لیدلوري‌‌ او قوي‌ ډیپلوماتیکو اړیکو سمبول  د ترکیې کور ودانۍ په رسمي‌ توګه پرانیزو.

د ترکیې  کور ودانۍ دروازې به د هر چا پر مخ پرانیستي‌ وي. "

ولسمشر اردوغان وویل چې د ترکیې کور ودانۍ چې څلور کاله مخکې مو ورته بڼسټ ایښی وو او نن مو په رسمي‌ توګه پرانیسته ددې په هیله چې د ټولو لپاره د خیر او برکت وسیله وګرځي. همداشان پدې مراسمو کې د ګډون کوونکو ټولو میلمنو نه د له زړه له کومې مننه کوم.

نن ډیر ویاړم او خوشحاله یم. ځکه ویاړ کوم چې دادی د ترکیې دولت او میړانه ملت ته مو یو بل تاریخي‌ او تل پاتې اثر جوړ کړ. افتخار کوو او خوشحاله یو ځکه چې  د تاریخي‌ او عنعنوي‌ معمارۍ سره جوړه شوې ودانۍ به د نیویارک ښکلا ته لا ښکلا ورپه برخه کړي. ویاړن یو ځکه چې زمونږ انجینیرانو  او کارګرانو  د تندي د خولو سره یو ډیر شانداره اثر جوړ کړی دی او چارې سرته رسیدلي‌ دي.

ددې اسمان څلي‌ ودانۍ په جوړولو کې کارول شوي‌ ډیری توکي‌ د ترکیې نه راوړل شوي‌ دي.

ددې ودانۍ په ساختمان کې د نړۍ د وروستۍ تکنالوژۍ سره کار اخیستل شوی دی. همداشان دا ودانۍ چاپیریال دوسته جوړه شوې ده . دا ودانۍ د باران د اوبو راټولو او استفادې په خاطر ځانګړی سیستم لري.

دا ستره ودانۍ په اصل کې د ترکیې پياوړتیا، تجربې او د هرې ورځې په تیریدو سره د لا پياوړي‌ کیدو ښکارندويي کوي.

همداشان دا ستره ودانۍ به په ملګروملتونو کې د ترکیې د دایمي‌  نماینده ګۍ او جنرال قونسلګرۍ سربیره د شمالي‌ قبرس ترک جمهوریت د دایمي‌ نماینده ګۍ کوربه توب هم وکړي.