د ترکیې د وان په ولایت کې د واورې ښویدنې په پایله کې ستره فاجعه رامنځته شوه.
په وان ولایت کې د واورې ښویدنې پيښې ستره فاجعه رامنځته کړه
تیره شپه په وان ولایت کې د واورې پاکونې او سپرلۍ په موټر واوره وښویده چې په نتیجه کې ۵ تنو ژوند د لاسه ورکړ.
همداشان سیمې ته د ژغورنې ډلې ورسیدې او د واورو لاندې شوو کسانو د ژغورنې چارې پیل کړې.
نن د ژغورنې په ډلې واوره وښویده چې په نتیجه کې ستره فاجعه رامنځته شوه. ویل کیږي د نوموړې پيښې ۳۰ تنه ژوندي وژغورل شول او ۳۳ تنو نورو ژوند د لاسه ورکړ.
د وان ولایت نه د ترلاسه شوو معلوماتو له مخې تیره شپه د واورې پاکونې په ماشینونو او د سپرلۍ په یو موټر واوره وښویده چې په نتیجه کې ګن شمیر کسان د واورو لاندې شول. پدې پيښه کې د ۵ تنو مړي د واورې لاندې نه راوویستل شول.
دوه تنه لا درکه وو چې د پلټنې چارې پيل شوې. نن د پلټنو پر ډلې واوره وښویده چې په لسګونو تنه يي لاندې کړل.
د ژغورنې ډلو په سیمه کې ۳۰ تنه ژوندي د واورو لاندې نه راوویستل . پدې پیښه کې ۳۳ تنو ژوند د لاسه ورکړ چې مړي د ژغورنې ډلو لخوا راویستل شوي دي.
پيښه د وان ولایت د باغچه سرای په ولسوالۍ کې رامنځته شوې ده .
ویل کیږي پدې پیښه کې د وان ولایت د طبعي پيښو او ناورین ادارې مدیر عثمان اوچار هم د واورو لاندې شوی وو چې ژوندی ژغورل شوی او د درملنې په خاطر روغتون کې بستري دی.
د وان ولایت د باغچه سرای د ولسوالۍ ښاروال خبري رسنیو ته ویلي دي چې د ژغورل شوو کسانو روغتیايي حالت ښه دی او د پاتو کسانو د ژغورنې په خاطر هم چارې دوام لري.
د ترکیې د کورنیو چارو وزارت د پیښې پخلی کړی او ویلي دي چې د واورې ښویدنې له امله په لسګونو تنه د واورو لاندې شوي وو چې ۳۰ تنه يي ژوندي ژغورل شوي او د ۳۳ تنو ژوند د لاسه ورکړی دی. د قربانیانو نه ۸ تنه د ژاندارم سرتیري ، درې تنه اربکي سرتیري یو تن هم د اطفایې کارکوونکی دی. پاتې کسان ملکي وګړي دي.
همداشان په سیمه کې د پلټنې چارې هم دوام لري.