د ان بي سي تلویزیون پر خلاف غبرګونونه دوام لري

د امریکا متحده ایالتونو د ان بي سي تلویزیون پر خلاف  چې د جولای په ۱۵ مه په ترکیه کې د فتح الله ګولن ترهګریز سازمان او موازي جوړښت لخوا د کودتا د ناکامې هڅې په شپه  ( اردوغان  د جرمني نه د پناه غوښتنه وکړه او د  اردوغان الوتکې د جرمني پر لورې حرکت  ) په څیر  ناسم  ، بې بنسټه  او درواغ خبرونه خپاره کړي ول  سخت غبرګونونه دوام لري.

د همدې غبرګونونو په چوکاټ کې به د اګست په ۴ مه نیټه  په نیویارک کې د ان بي سي تلویزیون مرکزي ودانۍ په مخکې د نوموړي تلویزیون پر خلاف مظاهره جوړه شي.

په امریکا کې د ناسمو خبرونو پر وړاندې  د مبارزې ټولنې  او نیوز بود د پاڼې  موسس  سیبل ایموندز د ان بي سي  تلویزیون پر خلاف د ناسمو خبرونو د خپرولو  له امله د نوموړي تلویزیون د چارواکیو نه  هر څه ژر  د رسمي بښنې غوښتو غوښتنه وکړه. هغه وویل که چیرې  دا تلویزیون  رسمي بښنه ونه غواړي  ددوې پر خلاف به  مظاهرې دوام وکړي.

هغه ویلي دي چې  د ان بي سي تلویزیون په ترکیه کې د کودتا د ناکامې هڅې  په شپه

( ولسمشر اردوغان د جرمني نه د پناه غوښتنه کړې  او د اردوغان الوتکې  د جرمني  پر لورې حرکت وکړ  )  په څیر ناسم ، بې بڼسټه  ، بې مسولیته او درواغ خبرونه خپاره کړي دي.

په امریکا کې د ترکیې لوی سفیر هم  یاد شوي تلویزیون ته د یو لیک په استولو سره  د خپرو کړو ناسمو او درواغ خبرونو له امله  د ترکیې د ملت نه  د بښنې غوښتو بلنه ورکړې وه.

نوموړي تلویزیون  دا لیک هم  بې ځوابه پریښی. د بله پلوه په امریکا کې  د ناسمو خبرونو پر وړاندې د مبارزې د ټولنې مشر ویلي دي « غواړو چې دا مسله په تاریخ کې ثبت شي ، د همدې امله ددې تلویزیوني کانال پر خلاف  مظاهره کوو . » هغه  په امریکا کې په میتشو ټولو ترکانو پدې مظاهره کې د ګډون غږ کړی دی او ویلي دي چې  دا مسله به په جدي توګه وڅیړي.

د ترکیې سفارت د ان بي سي تلویزیون ته په استولي لیک کې  ددوی  دا دریځ او خپاره کړي خبرونه  د ژونالیږم د قواعدو پر خلاف  بللي وو. په لیک کې  په نوموړي تلویزیون غږ شوی وو چې  د کودتا په شپه يي د خپرو کړو ناسمو او بې مسولیته خبرونو له امله هر څه ژر د ترک ملت نه بښنه وغواړي.