په ادلب کې دوه تنه ترکي سرتیري شهیدان او دوه تنه نور ټپيان شول

د سوریې د ادلب په سیمه کې د ترکیې د وسله والو ځواکونو دوه تنه سرتیري شهیدان او دوه تنه نور ټپیان شوي دي.

په ادلب کې دوه تنه ترکي سرتیري شهیدان او دوه تنه نور ټپيان شول

 

د ترکیې د ملي دفاع وزارت د بیان په خپرولو سره ویلي دي چې  د فبروري په ۲۶ مه نيټه د چار شنبې په ورځ د سوریې به ادلب سیمه کې  دوه تنه سرتیري شهیدان او دوه تنه نور ټپيان شوي دي.

د ترکیې ملي دفاع وزارت  د رسمي ټویټر پاڼې له لارې په خپور شوي بیان کې راغلي دي چې  د اسد رژیم  په ادلب ولایت کې  د جګړو د مخنیوي او تاوتریخوالي د کچې د راټیټولو په موخه په میشتو ترکي ځواکونو هوايي برید کړی چې په نتیجه کې دوه تنه سرتیري په شهادت رسیدلي او دوه تنه نور ټپيان شوي دي.

د ترکیې دفاعي ځواکونو  د برید نه سمدلاسه وروسته په سیمه کې د اسد رژیم په موضع ګانو او مرکزونو  ځوابي بریدونه کړي دي.

په بیان کې راغلي دي چې " په سیمه کې د بیلابیلو سرچینو نه د ترلاسه شوو معلوماتو له مخې د ترکیې د دفاعي ځواکونو په ځوابي بریدونو کې  د اسد رژیم  اړوند  د دافع هوا توغندیو یوه دستګاه، یو زي او ۲۳ ډوله ضد د الوتکو، یو ضد د ټانک ، درې ټانکونه، یو د مهماتو نه بار موټر او  دوه بیلدوزونه له منځه وړل شوي ۳ ټانکونه نیول شوي او ۱۱۴ تنه د اسد عناصر له منځه وړل شوي دي.



اړوند خبرونه