ترکیې د سوریې په شمال کې پوځي عملیات پیل کړل

ترکیې  د سوریې په شمال ختیځ کې د فرات سیند په ختیځو برخو  پوځي عملیات رسمآ پیل کړل.

ترکیې د سوریې په شمال کې پوځي عملیات پیل کړل

ترکیې  د سوریې په شمال ختیځ کې د فرات سیند په ختیځو برخو  پوځي عملیات رسمآ پیل کړل.

د ترکیې ولسمشر رجب طیب اردوغان  د عملیاتو د پیلولو خبر د خپلې ټویټر پانې لخوا خپور کړ.

ولسمشر اردوغان د خپل ټویټر پاڼې له لارې په خپور کړي پيغام کې ویلي دي چې د ترکیې وسله والو ځواکونو  د سوریې د ملي پوځ سره  په ګډه  د سوریې په شمال کې د پ ک ک  ، وای پ جي او داعش ترهګرو ډلو پر خلاف  (د سولې چینې) په نامه  پوځي عملیات پیل کړل.

ولسمشر اردوغان ویلي دي چې زمونږ موخه  د ترکیې سویلي پولو پورې غاړې ته  د جوړیدونکي  ترهګرو  دهلیز مخنیوی  او په سیمه کې د سولې او استقرار ټینګول دي.

ولسمشر اردوغان ویلي دي چې ددې پوځي عملیاتو سره  به ترکیې ته مخامخ د ترهګرو ټول تهدیدونه برطرف کړي.

همداشان  ددې  عملیاتو  په نتیجه کې جوړیدونکې  د امن سیمه  سره به په ترکیه کې  میشتو سوري کډوالو ته خپل هیواد ته د بیرته ستنیدو  زمینه برابره شي.

ددې عملیاتو سره  به د سوریې مځکنۍ بشپړتیا  او د سیمې ټول خلک د ترهګرو د شر نه  وژغورل شي.


پيوندونه: عملیات , سوریه , ترکیه

اړوند خبرونه