د سویډن او امریکا ساینس پوهانو وموندله چې زړه خپلواکه عصبي سیستم لري

هغه مفکوره او نظریه چې  زړه یوازي  د مغز لخوا  کنترولیږي، د ساینس پوهانو یوه حیرانوونکي کشف سره بدلون مومي.

د سویډن د کارولینسکا انستیتیوت او امریکا متحده ایالتونو د کولمبیا پوهنتون څیړونکو، دا څرګنده کړه چي زړه خپل خپلواک عصبي سیستم لري.

دا خپلواک عصبي سیستم چي "مایکرو مغز" بلل کیږي، د زړه ریتم تنظیموي.

پخوا داسي انګیرل کیدل چي زړه د مغز له خوا د اوتونوم عصبي سیستم له لاري کنترولیږي.

خو دغې څیړنې وښودله چي د زړه دیوال کي دا عصبي شبکه چې  تر دي مخکي مونږ  په اړه فکر هم نشو کولی  ډیره پیچلې  ده، او د زړه د ریتم په تنظمولو کې  خپلواک رول ولوبوي.

د کارولینسکا انستیتیوت  څخه ډاکتر کانستانتینوس امپاتزیس ویلي دي چې  "لکه مغز چي د تنفس یا حرکت رتمیک عملونه تنظیموي، همداسي دا مایکرو مغز هم د زړه د ریتم په تنظیمولو  کي حیاتي رول لوبوي.