د کرونا ویروس له امله ځاني تلفات په چټکۍ سره مخ په لوړیدو دي
په ایران کې د نوي ډول کرونا ویروس له امله ځاني تلفاتو کچه د هرې ورځې په تیریدو سره په ډیره چټکه توګه مخ په لوړیدو ده.
په سوریه کې د ایران پخوانی سفیر، د بهرنیو چارو د وزارت پخوانی سرپرست او پارلمان د رئیس سلاکار حسین شیخ الاسلام د کرونا ویروس له امله ژوند د لاسه ورکړ.
همداشان د ایران په پارلمان کې د تهران د خلکو استازې او د اسلامي ائتلاف د ګوند د مرکزي شورا غړې فاطمه رهبر هم د کرونا ویروس له امله په کوما کې قرار لري.
همداشان د ایران د پارلمان په یوې بلې غړې زهره الهیان کې هم د کرونا ویروس تثبیت شوی دی چې پدې ډول د ایران په پارلمان کې دا ۲۴ وکیل دی چې په کرونا ویروس اخته کیږي.
د ایران سیاحتي سیمو ته په تګ راتګ بندیز لګول شوی دی.
د بله پلوه په فلسطین کې د اشغال لاندې په لویدیځه تراړه کې هم په ۷ تنو فلسطیني وګړو کې کرونا ویروس لیدل شوی دی.
د فلسطین د روغتیا وزارت ویلي دي چې پرون د یو هوټل کارکوونکي د کرونا ویروس په شک معاینات وکړل. د نوموړو معایناتو نه وروسته په لویدیځه تراړه کې فوق العاده حالت اعلان شو. په بیت الحم او اریحا په ښارونو کې ټول تعلیمي موسسات ، جوماتونه او کلیساګانې د ۱۴ ورځو لپاره تړل شوي دي.
همداشان په بیت المقدس کې په مسجدالاقصی کې د کرونا ویروس د تدابیرو په خاطر د هر وخت لمانځه نه وروسته دوا شینده کیږي.
همداشان سعودي عربستان هم د کرونا ویروس پر وړاندې د تدابیرو په خاطر د کعبې شریف طواف باندې بندیز لګولی دی. همداشان یواځې په مسجدالحرام کې لمونځ ته اجازه ورکول کیږي.
سعودي عربستان د فبروري د ۲۷ مې نیټې راهیسې عمرې حج او مسجدالنبوي په زیارت بندیز لګولی دی. همداشان تیره ورځ د سعودي عربستان په خلکو هم د موقتي مودې لپاره د عمرې په زیارت بندیز ولګول شو.
په چین کې بیا د کرونا ویروس له امله د مړو شمیره ۳۰۴۴ تنو ته لوړه شوه.
د چین د روغتیا ملي کمیسیون ویلي دي چې په تیرو ۲۴ ساعتونو کې په چین کې ۳۰ تنو د کرونا ویروس له امله ژوند دلاسه ورکړی چې پدې ډول د مړو شمیره ۳۰۴۴ تنو ته لوړه شوه .
په امریکا متحده ایالتونو کې هم د کرونا ویروس له امله د مړو شمیره ۱۲ تنو ته لوړه شوه. د امریکا په کالفورونیا ایالت کې بیړنی حالت اعلان شوی دی.
اړوند خبرونه
انګلستان په هیواد کې نوی نسل د سګرټ نه د ژغورولو په برخه کې یوه ډیره مهمه پریکړه وکړه
په برتانیا کې له ۲۰۰۹ کال وروسته زېږېدلو کسانو باندې د سګرټو پر خرڅلاو بندیز ولګول شو.