د تورکيې ملي او کورنی موټر ټوګ  نږدې ۴۰ زره خپلو پيرودونکو ته وسپارل.

د تورکيې ملي او کورنی موټر ټوګ  نږدې ۴۰ زره خپلو پيرودونکو ته وسپارل.

ټوګ چې د خپل ډيزاين او ټکنالوژۍ له امله د ټولو پام ځانته رااړولی دی  د هرې ورځې په تیریدو سره يي طلب ډیریږي.

د ټوګ توليد چې  پرته له ځنډه روان دی ، په سړکونو کې يې شمېر مخ په زياتېدو دی.

د تورکيې د ملي او کورني موټر ټوګ  تولیدونکي شرکت لخوا په خپور شوي بیان کې ويل شوي "موږ د ټوګ T10X  لپاره ستاسو د دوامداره ليوالتيا له امله مننه کوو. د کال په لومړيو ١٠ مياشتو کې موږ له ٢٠ زرو څخه ډیر موټر پلورلي دي. د پيل راهيسې، موږ وياړو چې نږدې ۴۰ زره  T10X  ماډل ټوک موټر تولید او  مشتریانو ته تسلیم کړي دي."

ټوګ چې د ٢٠٢٣ کال د مارچ په میاشت کې په تولید پيل وکړ ، په همدې کال د مۍ په مياشت کې مشتریانو  ته وړاندې شو. پدې موده کې نږدې ۴۰ زرهم T10X ماډل ټوک موټر څښتنانو ته وسپارل شول.

د رنګونو په انتخابونو کې يو نوی رنګ هم ور زيات شو. د ټوګ اووم رنګ "ايدر زرغون" دی . دې رنګ له لومړۍ ورځې ډېر مينه وال پيدا کړل.

په همدې حال کې T10X موډل خپل نوي کېدل دوام ورکوي.

د نوي شوي سافټوير سره به کاروونکي د راحت او خونديتوب د لا زياتوالي لپاره ٧ نوې ځانګړتياوې ترلاسه کړي.

د ترافيکي نښو پېژندلو څخه نيولې، تر شا ترافيکي ټکر او تر شا متقاطع ترافيکي خبرداري پورې، د هوښيار لين تعقيب سيسټم څخه تر لين پرېښودلو خبرداري پورې، ډېرې ځانګړتياوې به د ټوګ کاروونکو ته وړاندې شي.

د درېدو-حرکت کولو فنکشن لرونکی تطبيقي سرعت ثابتوونکی او تطبيقي ډرايور مرستيال ځانګړتياوې به هم په معياري او وړيا توګه نصب شي.