په ۲۰۲۱ کال کې د ترکیې د اقتصادي‌ ودې ارقام اعلان شول

د ترکیې اقتصاد په ۲۰۲۱ کال کې ۱۱ سلنه او د ۲۰۲۱ کال په وروستۍ ربع کې ۹ عشاریه یو سلنه وده کړې ده.

د ترکېې د احصایې ادارې په ۲۰۲۱ کال کې د ترکیې د اقتصادي‌ ودې ارقام اعلان کړل.

د ترکیې د احصایې ادارې لخوا د خپرو شوو ارقامو له مخې په ۲۰۲۱ کال کې  د ترکیې اقتصادي‌ وده د ۲۰۲۰ کال په پرتله ۱۱ سلنه وده کړې ده . همداشان د ۲۰۲۱ کال په وروستۍ ربع  کې  ۹ عشاریه ۱ سلنه اقتصادي‌ وده رامنځته شوې ده .

تولیدات  په ۲۰۲۱ کال کې  د اوسنو نرخو سره د ۲۰۲۰ کال په پرتله  ۴۲ عشاریه ۸ سلنې په ډیریدو سره ۷ تریلیونه ۲۰۹ میلیارده او ۴۰ میلیونه ترکي‌ لیرو ته رسیدلي‌ دي.

د ویلو ده چې تیر کال د ترکیې سرانه عاید ۹ زره او ۵۳۹ ډالره اعلان شوی دی.

همداشان تیر کال د ترکیې د صنایع وده  ۱۶ عشاریه ۶ سلنه اعلان شوې ده .