د تورکیې لومړنۍ بې پيلوټه جنګي الوتکه ( بایرقدار قزل ایلمه ) الوتنې ته یو بل ګام هم نږدې شوه

د تورکیې لومړنۍ بې پیلوټه جنګي الوتکه ( بایرقدار قزل ایلمه ) چې د بایکار ټکنالوژۍ  لخوا په ملي او ځايي امکاناتو سره  جوړه شوې ده  د انجن د ادغام لومړۍ ازموینه په بریالیتوب سره  سرته ورسیده.

د ( بایرقدار قزل ایلمه ) بې پیلوته جنګي الوتکې  د پراختیا په بهیر کې یو مهم پرمختګ وشو .  د بایکار ټکنالوژۍ شرکت لخوا جوړه شوې دا الوتکه  زموږ د هیواد  لومړۍ بې پیلوټه جنګي الوتکې په توګه به کار وکړي. ( بایرقدار قزل ایلمه ) د لومړي پروټوټایپ سره د انجن د یوځای کولو لومړۍ ازموینه په بریالیتوب سره بشپړه شوه.

( بایرقدار قزل ایلمه )بې پیلوټه الوتکه د اوزدیمیر برقدار ملي ټکنالوژۍ په مرکز کې د انجن ازموینه ترسره شوه. دا ازموینه د بایکار شرکت د ټکنالوژۍ د رئیس سلجوق بایرقدار په لارښونه او مشرۍ سره ترسره شوه. دا الوتکه  د انجن ادغام ازموینې سره خپلې لومړۍ الوتنې ته یو ګام  بله هم نږدې  شوه. دا ازموینه د سپټمبر په ۱۷ مه نیټه ترسره شوه.

د ویلو ده  چې ورته پروسه د  تورکیې د لومړنۍ بې پیلوټه تعرضي  الوتکې بایرقدار اقنجي الوتکې  AKINCI TİHA کې تجربه شوې وه . د ویلو ده چې اقتجي الوتکه  د د ۲۰۱۹ کال د د سپټمبر په لومړني نیټه کې د خپل لومړي انجن ادغام ازموینې بشپړولو نه وروسته د ۲۰۱۹ کال د دسمبر په شپږمه نیټه  کې خپله لومړۍ الوتنه ترسره کړه. اقنجي الوتکه د ۲۰۲۱ کال د اګست په ۲۹ مه نيته د هیواد وسله والو ځواکونو ته وسپارل شوه او په رسمي  فعالیت او ماموریت يي پيل وکړ.

( بایرقدار قزل ایلمه )  بې پیلوټه جنګي الوتکې پروژې د ازموینې بهیر، چې د بایکار ټکنالوژۍ شرکت  د ۲۰  کلونو ژورې ټیکنالوژۍ راټولولو او تجربې سره رامینځته شوی، د ځمکنیو ازموینو سره به دوام وکړي. د ویلو ده چې ( بایرقدار قزل ایلمه ) بې پیلوته جنګي الوتکه به خپله لومړنۍ الوتنه په ۲۰۲۳ کال کې ترسره کړي.

دا الوتکه په ډیرو کوچنیو او لنډو ځغاست لیکو کې د کیناستو او الوتنې ظرفیت لري.

( بایرقدار قزل ایلمه )  بې پیلوټه جنګي  الوتکه په ځانګړې توګه د کوچینو او لنډو ځغاست لیکو درلودونکو کښتیو کې په ډیره ښه توګه د کیناستو او الوتنې وړتیا سره انقلاب رامینځته کړي .

دا الوتکه به د تورکیې د وسله وال پوځ سره په کورنیو او بهرنیو عملیاتو کې او د سمندرنو پورې غاړې په ماموریت کې ډیره زیاته مرسته وکړي. د تورکیې د وسله وال ځواک طاقت ، توان او پیاوړتیا به څو برابره کړي.

د ( بایرقدار قزل ایلمه ) الوتکه د  بې پیلوټه الوتکو برعکس،  کولی شي د ډیرو سختو مانورونو سره   د نورمال جنګي الوتکو په څیر د هوا نه  هوا ته جنګ وکړي، د دې ځانګړتیا سره به د جګړې په ډګر کې توازن بدل کړي. بې پیلوټه جنګي الوتکې چې د تورکي انجینرانو او تخنیکرانو لخوا د Bayraktar TB2 او Bayraktar AKINCI څخه ترلاسه شوي تجربې سره رامینځته کیږي ، د کورني هوایی مهماتو سره به د هوایي هدفونو پروړاندې مؤثریت چمتو کړي.

د  ( بایرقدار قزل ایلمه ) بې پیلوټه جنګي  الوتکه د ټیټ رادار ټریس څخه سره ډیر ستونزمند ماموریتونه  په بریالیتوب سره اجراء کړي .همداشان دا الوتکه به د ۱۵۰۰ کیلو ګرامه مهماتو د انتقال ظرفیت ولري.

دا الوتکه به د پرمختللې رادار سیستم سره په ډیره لوړه کچه د هر ډول وضعیت په اړه د خبر اخیستو ظرفیت ولري.