د ځايي رسنیو د راپورونو له مخې هندي چارواکو نږدې لس تنه هندي وګړي  د پاکستان لپاره د جاسوسۍ په تور نیولي دي. د ویلو ده چې دا کار د هند او پاکستان ترمنځه د وروستۍ جګړې نه وروسته شوی دی. پولیسو دا خبر تایید کړی دی.

د جزا نړۍوالې محکمې پخواني مشر ویلي دي چې د شمالي کوریا ولسمشر د اوکراین پر خلاف د روسیې سره د پوځي مرستې له امله کیدای شي چې د جنګي مجرم په توګه وبلل شي.

د سیمې د  چارواکو په وینا د سختو بارانونو له امله د هند د ټکنالوژۍ مرکز بنګلور ځینې برخې په اوبو کې ډوبې شوې دي، چې د مرګ ژوبلې لامل شوي دي . دا پېښه د هغه ښار د اوږدمهاله زیربناوو نیمګړتیاوې په ډاګه کوي چې په بې ساري چټکتیا سره پراخ شوی دی.