بایدن : د اسرائیلو لخوا د فلسطین حقیقت نادیده نیول یوه ستره تیروتنه ده
د امریکا متحده ایالتونو ولسمشر جو بایډن وویل چې د اسرائیلو لپاره دا واقعي نه ده چې د فلسطین مسئلې او د فلسطینیانو امنیت په پام کې نیولو پرته به په اوږد مهال کې خپل شتون وساتي.

د امریکا متحده ایالتونو ولسمشر جو بایډن وویل چې د اسرائیلو لپاره دا واقعي نه ده چې د فلسطین مسئلې او د فلسطینیانو امنیت په پام کې نیولو پرته به په اوږد مهال کې خپل شتون وساتي.
د امریکا ولسمشر بایډن خپله وروستۍ تلویزیوني مرکه د MSNBC نیوز چینل سره د لارنس اوډونل سره وکړه.
بایډن، چې د منځني ختیځ سوله او په ځانګړې توګه د غزې مسئله یې ستونزمنې موضوعګانې وبللې زیاته کړه چې د غزې د اوربند لپاره یې ډېر کار کړی، که څه هم د خپلې دندې په پای کې قرار لري، خو د اوربند له رامنځته کېدو څخه خوښ دی.
بایډن وویل چې اسرائیل باید د خپل امنیت لپاره د فلسطین مسئلې ته په پراخه لید وګوري او زیاته یې کړه "دا چې اسرائیل به د فلسطین مسئلې او د هغوی امنیت په پام کې نیولو پرته په اوږد مهال کې خپل شتون وساتي، دا ناشونې ده. داسې نشي کیدای."
بایډن د اسرائیلو لومړي وزیر بنیامین نتنیاهو ته د "ملګري" په توګه اشاره وکړه او ویې ویل "زه تل خپل ملګري بي بي نتنیاهو ته یادونه کوم چې د هغه لوی ټولنیز ګروپ چې فلسطینیان بلل کېږي، د مشروع اندېښنو په پام کې نیولو لپاره باید یوه لاره ومومي."
بایډن په ډاګه کړه چې په منځني ختیځ کې د ګډوډۍ په دوام سره، د سیمه ییز جګړې له خطر څخه مخنیوی ناشونی دی، نو له همدې امله دوی له یوې خوا اسرائیلو ته پیاوړې ملاتړ ورکوي او له بلې خوا د جګړو د درولو لپاره هڅې کوي.
بایډن څرګنده کړه چې ایران او حزب الله د پخواني وخت په پرتله کمزوري شوي دي او وویل چې دا د اسرائیلو د امنیت لپاره ډېر مهم دی.
اړوند خبرونه

د ګوګل شرکت وروسته اپل شرکت هم په خپلو نقشو کې د مکسیکو خلیج نوم د امریکا خلیج باندې بدل کړ
د ګوګل په تعقیب اپل شرکت هم د خپلو نقشو په اپلیکیشن کې د مکسیکو خلیج نوم په "امریکا خلیج" بدل کړ.