امریکا د اوکراین سره د ۵۰۰ میلیونو ډالرو په ارزښت د نوې پوځي مرستې ته خبر ورکړ

په امریکا متحده ایالتونو کې  د جو بایډن په مشرۍ ادارې اعلان وکړ چې اوکراین ته به د ۵۰۰ میلیون ډالرو په ارزښت نوې امنیتي مرسته ورکړي.

د پنټاګون ویاند په خپور کړي بیان کې ویلي چې د اوکراین د مهمو امنیتي او دفاعي اړتیاوو د پوره کولو لپاره د امنیتي مرستو په اړه ویلي دي چې پدې مرستو کې  د هوايي دفاع توغندي، له هوا څخه ځمکې ته توغول کېدونکي مهمات او د هیواد د F-16 الوتکو د کارولو ملاتړ لپاره تجهیزات شامل دي.

دا مرسته، چې د ولسمشرۍ صلاحیت لاندې د پروګرام  په چوکاټ کې شوې ده د ۵۰۰ ملیون ډالرو په ارزښت اټکل شوې ده چې  پکې هوايي دفاع توغندي، له هوا څخه ځمکې ته مهمات، د F-16 الوتکو لپاره د ملاتړ تجهیزات د زغره والو پلونو سیسټمونه او مخابرات او ترانسپورت شامل دي.

په بیان کې یادونه شوې چې دا د مرستې کڅوړه د ۲۰۲۱ کال د اګست راهیسې د دفاع وزارت د موجودو توکو څخه د ۷۴مې برخې ده چې د بایډن ادارې اوکراین ته ورکړې ده.

له بلې خوا، اعلان وشو چې د انګلستان او لاتویا په مشرۍ د نړیوال ایتلاف په چوکاټ کې به ۳۰ زره نوي بې پیلوټه الوتکې  اوکراین ته واستول شي.

د انګلستان د د دفاع وزارت لخوا په یوه خپره شوې خبرپاڼه  کې ویل شوي چې د نړیوال ډرون ایتلاف لخوا د ۴۵ میلیون پونډو په ارزښت د تړون له لاسلیک وروسته به ۳۰ زره بې پیلوټه الوتکې اوکراین ته واستول شي، چې په ګډه یې لاتویا او انګلستان اداره کوي.

په بیان کې ویل شوي چې د نویو ډرون الوتکو تمویل د انګلستان، ډنمارک، هالنډ، لاتویا او سویډن په څیر هیوادونو لخوا ورکړل شوی.

په خبرپاڼه کې، دا اعلان شوی چې د اوکراین لپاره د نړیوال وجهي صندوق ټول اندازه، چې د انګلستان لخوا اداره کیږي، د متحدو هیوادونو لخوا چمتو شوي نوي ملاتړ سره د یو عشاریه ۳ میلیارد پونډو څخه زیاته شوې، او دا په ګوته شوې چې پرتګال او جرمني د دې صندوق سره مرسته کړې ده.