د روسیې او شمالي کوریا ترمنځ لاسلیک شوی د ستراتیژیکو همکاریو هر اړخیز تړون نافذ شو.

د روسیې او شمالي کوریا ترمنځ  د جون په میاشت کې لاسلیک شوی د ستراتیژیکو همکاریو هر اړخیز تړون نافذ شو.

د روسیې د بهرنیو چارو وزارت د بیان له مخې، د روسیې د بهرنیو چارو مرستیال وزیر اندری روډینکو او د شمالي کوریا د بهرنیو چارو مرستیال وزیر کیم جونګ ګیو په پلازمینه مسکو کې د همکارۍ تړون د پلي کیدو په اړه پروتوکول لاسلیک کړ.

د پروتوکول له مخې  د روسیې او شمالي کوریا  ترمنځ د هراړخیز ستراتیژیکو همکاریو تړون نافذ شو.

د جون په میاشت کې شمالي کوریا ته د روسیې د ولسمشر ولادیمیر پوتین د سفر په ترڅ کې د دواړو هېوادونو ترمنځ د هراړخیزو ستراتیژیکو همکاریو تړون لاسلیک شو.

ویل شوي چې دا تړون د دواړو خواوو څخه د برید په صورت کې د دوه اړخیزو نظامي مرستې وړاندیز کوي، او په شمال ختیځ آسیا او آسیا پسیفیک سیمو کې به د نه ویشلو امنیتي سیسټم سره د څو قطبي نړۍ نظم په جوړولو کې مرسته وکړي.